Walid Al-Muallem:Türkiýe Siriýanyň topragynyň bir bölegini basyp alandyr

Siriýanyň daşary işler ministri Walid Al-Muallem düýn Pekinde Hytaýly kärdeşi Wang Ýi bilen geçiren ortak habar konferensiýada Türkiýäniň Siriýanyň topragynyň käbir böleklerini basyp alanlygyny we bu ýurtdaky terrorçy toparlara goldaw berýänligini aýtdy.

Tasnim habarlar gullugynyň beren habaryna görä,Walid Al-Muallem Türkiýäniň harby güýçleriniň bikanun şekilinde Siriýanyň demir gazyk sebitlerinde ýerleşendiklerine yşarat etmek bilen Siriýanyň kanuny döwletinden rugsatsyz bu ýurduň topragynda ýerleşen ähli keseki güýçler herne basym bu ýurtdan çykmalydyrlar diýdi.

Siriýanyň daşary işler ministri şeýle-de bu ýurdy gaýtadan abatlamak meselesi barada gürrüň gozgap Siriýanyň abatlamak programasynda terrorizme garşy göreşde Damasky goldan ýurtlar başda ýerleşjekdirler diýdi.

Türkiýe goşuny geçen 3 ýylyň boýunda bu ýurduň mejlisiniň beren ygtyýary bilen Siriýanyň demir gazygynda giňligi 4 müň km bolan sebiti basyp alandyr.

Damak şo mahala çenli ençeme gezek Türkiýäniň bu işini ýazgaryp ony basyp alyjylyk hasaplandyr.