Eýran bilen Türkiýäniň daşary işler ministrleriniň duşuşmagy
Oct 24, 2019 16:53 Asia/Ashgabat
Eýran bilen Türkiýäniň daşary işler ministrleri Azerbaýjan Respublikasynyň paýtagty Baku şäherinde geçirilýän goşulyşmazlyk hereketine agza ýurtlaryň maslahatynyň ýanynda duşuşyp gürrüň etdiler.
Eýranyň daşary işler ministrliginiň maglumat ýetiriş edarasynyň beren habaryna görä Eýranyň daşary işler ministri Muhammet Jawad Zarif bilen Türkiýäniň daşary işler ministri Möwlüt Çawuş oglu şu gün Baku şäherinde geçiren duşuşygynda ikitaraplaýyn gatnaşyklaryň soňky özgerişleri, Siriýanyň demirgazygynyň durmuşky ýagdaýy, Astana gepleşikleri, Siriýada esasy kanuny düzýän komitetiň guralmagy we beýleki meseleler barada gürrüň edendirler.