prezident Ruhani Eýran bilen Gyrgyzystanyň arasyndaky ykdysady gatnaşyklaryň ösdürilmegini nygtady

Eýran Yslam Respublikasynyň prezidenti Gyrgyzystan bilen ykdysady gatnaşyklaryň ösdürilmegini nygtap:Ýewraziýa Ykdysady Bileleşigi, hyzmatdaşlygy ösdürip we çuňlaşdyryp biljek iki ýurduň arasynda ykdysady arkalaşyklary ösdürmek üçin örän oňat ýerligi döretdi diýdi.

Eýran Yslam Respublikasynyň prezidenti Hasan Ruhani şu gün gyrgyzystanyň prezidenti Sooronbaý Žeenbekow bilen telefon arkaly geçiren söhbetdeşlikde Iki ýurduň arasyndaky ykdysady hyzmatdaşlyk üçin Koronanyň gutarmagyna garaşmaly däldir, sebäbi saglyk protokollaryň çäginde söwda we ykdysady hyzmatdaşlygy güýçlendirip bolar diýip yglan etdi.

Eýran Yslam Respublikasynyň prezidenti, şeýle hem, Eýranyň koronawirusa garşy göreşde gazanan üstünliklerine we bilimlere esaslanýan kompaniýalar tarapyndan bu usulda zerur enjamlary öndürmekde üstünlik gazanmagyna yşarat edip ABŞ-nyň Eýrana edýän çäklendirmelerine we basyşlaryna garamazdan, bagtymyza Yslam respublikasy wirusa garşy göreşmekde üstünlik gazandy we hatda Gyrgyzystan ýaly käbir dostlukly ýurtlara bu kesele garşy göreşmekde kömek edip bildi diýip sözlerine goşdy.

Gyrgyzystanyň prezidenti Sooronbaý Žeenbekow hem bu söhbetdeşlikde Eýrana koronawirusa garşy göreşde Gyrgyzystana saglyk we lukmançylyk kömegi berenligi üçin minnetdarlyk bildirmek bilen Gyrgyzystan hemişe Eýran bilen dost we dogan bolar we ähli ugurlarda ikitaraplaýyn gatnaşyklaryň ösmegine we çuňlaşmagyna üns berer diýip beýan etdi.