Eýran ýaragly Güýçleriniň Baş ştabynyň başlygy Damaskda Başar al-Assad bilen duşuşdy
Siriýa giden Eýran Yslam Respublikasynyň ýaragly Güýçleriniň Baş ştabynyň başlygy bu ýurduň prezidenti bilen duşuşyp gürrüň etdi.
Eýranyň ýaragly Güýçleriniň Baş ştabynyň başlygy general-maýor Muhammet Bageri şu gün Damaskda Siriýanyň prezidenti Başar al-Assad bilen duşuşanda Tähran, özüniň dost ýurdy bolan Siriýa bilen saklaýan dürli ugurlardaky arabaglanşyklaryny berkitmegiň tarapdarydyr diýip eşitdirdi.
bu duşuşykda Başar al-Assad hem Tähran bilen Damaskyň arasynda harby hyzmatdaşlyk şertnamasyna gol çekilendigini belläp geçip bu ylalaşyk Siriýa bilen Eýranyň arasyndaky strategiki gatnaşyklaryň derejesini we Siriýadaky terrorçylara garşy göreşmek boýunça köp ýyllyk bilelikdäki tagallalaryň we hyzmatdaşlygyň netijesini görkezýär diýdi.
Eýran bilen Siriýanyň arasyndaky harby hyzmatdaşlyk barada giňişleýin şertnama düýn (çarşenbe) general-maýor Bageri bilen Siriýanyň ýaragly güýçleriň serkerdebaşysynyň orunbasary we bu ýurduň goranmak ministri Ali Aýýup Abdyllahyň arasynda Damaskda geçirilen gepleşikleriň ahyrynda gol çekildi.
