Ruhani: Ak tamyň Eýrana garşy dildüwşükleri ýeňilendir
Eýran Yslam Respublikasynyň Prezidenti Ak tamyň Eýranyň halkyny we döwletini ýeňmek üçin düzen ähli dildüwşükleriniň we meýilnamalarynyň doly ýeňilendigini aýtdy.
Eýran Yslam Respublikasynyň prezidenti Hasan Ruhani şu gün Energetika ministrligi pudagynda üç sany milli taslamanyň durmuşa geçiriliş dabarasynda beren gürrüňlerinde Yslam Eýrana garşy iň agyr we iň berk sanksiýalaryň girizilen döwründe bu meýilnamanyň açylyşy, resmileriň çydamyny we tagallalaryny we halkyň goldawyny görkezýär diýdi.
Ruhani şeýle-de Eýran halky hiç wagt ABŞ-a boýun egmez we duşmanlaryň meýilnamalary ýurduň ösmegine päsgel berip bilmez diýip beýan etdi.
Eýran Yslam Respublikasynyň Prezidenti, snapback mehanizm meýilnamasynyň BMG Howpsuzlyk Geňeşine gatnaşan 14 agzanyň 13-si tarapyndan ret edilendigini aýtmak bilen şeýle ýeňliş Amerikanyň syýasy taryhynda görlüp-eşidilmedik derejede boldy we bu ýeňliş Eýran halkynyň çydamlylygy sebäpli boldy diýdi.
Ruhanisözüniň dowamynda Eýrandaky Korona meselesineyşarat edip ABŞ-nyň Eýrana garşy sanksiýalary sebäpli ýüze çykan basyşlara garamazdan, Eýran halky saglyk görkezmelerini ýerine ýetirip, howply Corona wirusyna gowy garşy çykdy diýip yglan etdi.
