Eýran Bahreýn bilen sionist režimiň arasynda diplomatik gatnaşyklaryň ýola goýulmagyny ýazgardy

Eýranyň Daşary işler ministrligi Manama bilen Tel Awiwiň arasynda diplomatik gatnaşyklaryň ýola goýulmagyny ýazgarmak bilen bir wagtda muny Bahreýniň utandyryjy we kemsidiji hereketi diýip atlandyrdy.

Eýranyň Daşary işler ministrligi şenbe güni beren beýanynda Bahreýn hökümetiniň öz halkyndan kanunylyk almagyň deregine düýpli ýalňyşlyk bilen basybalyjy sionist režimine ýüz öwürendigini we, ABŞ-nyň içerki saýlawlarynda Palestinanyň arzyly maksatlaryny pida edendigini aýtdy.

Beýanatda Bahreýniň hökümdarlarynyň mundan beýläk sebitde we yslam dünýäsinde howpsuzlyga  we sebitde onlarça ýyllap dowam eden zorlugyň, heläkçiligiň, söweşiň, terrorçylygyň we gan döküşligiň kökü hökmünde sionist režimiň jenaýatlaryna şärik boljakdygy aýdylýar.