Amir Abdolhian: Amerika güýç ulanyp Tel Awiw bilen arap gatnaşyklaryny kadalaşdyrmaga synanyşýar

Eýranyň mejlis başlygynyň Halkara gatnaşyklar boýunça ýörite kömekçisi Amir Abdolhian Amerikanyň Birleşen Ştatlary, Pars aýlagyň ýakasynda ýerleşýän arap ýurtlaryna garşy güýç ulanyp, Sionist režim bilen gatnaşyklaryny kadalaşdyrmak isleýär diýdi.

IRNA-nyň habaryna görä,Halkara gatnaşyklar boýunça Eýran mejlisiniň başlygynyň ýörite kömekçisi Amir Abdolhian,penşenbe güni Awstriýanyň Eýrandaky ilçisi Stefan Schultz bilen geçiren duşuşygynda iki ýurduň arasyndaky 500 ýyllyk gatnaşyklaryň taryhyna salgylanyp Tähran bilen Wenanyň arasyndaky taryhy gatnaşyklar we köpden bäri dowam edip gelýän gatnaşyklar hyzmatdaşlygy berkitmek üçin gowy goldaw bolup durýandygyny aýtdy.

Awstriýanyň Eýrandaky ilçisi Stefan Schultz hem bu duşuşykda Awstriýa Eýrany sebitde, esasanam terrorçylyga we DAEŞ_e garşy göreşde täsirli rol oýnaýan möhüm ýurt hasaplaýandyr diýdi.

Schultz, parlament gatnaşyklarynyň ösdürilmeginiň iki ýurduň arasyndaky gatnaşyklary we hyzmatdaşlygy artdyrandygyna salgylanyp Wena parlament diplomatiýasy arkaly iki ýurduň arasyndaky gatnaşyklaryň pugtalandyrylmagyny nygtaýar diýip yglan etdi.