Hatibzadeh: Hiç bir ýagdaýda Eýrandan ýarag we ok-därileriň geçirilmegine ýol berilmez

Eýranyň Daşary işler ministrliginiň metbugat wekili ýaraglaryň we harby enjamlaryň Eýrandan Ermenistana geçirilendigi baradaky habary inkär edip, Eýran Yslam Respublikasynyň territoriýasynyň ýarag we ok-däri geçirmek üçin ulanylmagyna ýol bermejekdigini aýtdy.

Eýranyň Daşary işler ministrliginiň metbugat wekili Said Hatibzadeh şu gün habarçylaryň Eýrandan Ermenistana ýaraglaryň we harby enjamlaryň üstaşyr geçirilmegi baradaky ýalan aýyplamalar barada metbugatyň öňe süren käbir aýyplamalary baradaky soragyna jogap berip Eýran Yslam Respublikasy bilen goňşy ýurtlaryň arasynda ýük awtoulaglarynyň gatnawy we harytlarynyň üstaşyry adatça dowam edýär we agzalan ýük awtoulaglary diňe şu çäkde işleýärler diýdi.

Hatibzadeh: Eýran Yslam Respublikasy, harytlaryň hereketlerine we ýurtlara geçiş prosesine ýakyndan gözegçilik edip, Eýranyň territoriýasyny ýarag we ok-däri geçirmek üçin ulanmaga hiç hili ýol bermeýändigini aýtdy.

Garabag sebitinde ermeni we azerbaýjan güýçleriniň arasyndaky çaknyşyk geçen ýekşenbe güni irden gaýtadan başlandy, halkara araçylar soňky aýlarda olaryň öňüni almak üçin düýpli tagalla etmediler.

Azerbaýjan we Ermenistan, Nagorno-Garabag sebiti barada agzaladyrlar,iki ýurduň arasyndaky Nagorno-Garabag sebiti baradaky dawa 1988-nji ýylda başlandy we bu aralykda käbir daşary ýurtlaryň gatyşmagy dartgynlygy ýokarlandyrdy.