Zarif: Halkara jemgyýetçiligi Ysraýyly ýadro gorhanasyny ýok etmäge mejbur etmeli
Eýran Yslam Respublikasynyň Daşary işler ministri anna güni halkara jemgyýetçiligini sionist režimi ýadro ýaraglaryny ýaýratmazlyk şertnamasyna (NPT) derrew goşulmaga we ýadro gorhanasyny ýok etmäge mejbur etmäge çagyrdy.
IRNA habar gullugynyň habaryna görä, "Muhammet Jawad Zarif" Birleşen Milletler Guramasyndaky ýadro ýaraglaryny ýok etmek gününiň wirtual ýygnagynda Amerikany atom bombasynyň ilkinji we ýeke-täk ulanyjysy hökmünde berk tankytlady we bu duşuşygyň adamzady ýadro ýaraglarynyň gorkusyndan azat etmek üçin global mobilizasiýanyň.güýçlenjek ýeri boljakdygyna umyt bildirdi.
Zarif ýadro ýaraglarynyň ýaýramazlygy baradaky şertnamanyň gözden geçiriş maslahatynda şeýle ýaraglary ýaragsyzlandyrmak baradaky birnäçe gezek haýyşlara we Halkara Adalat Kazyýetiniň ulanylmagyny gadagan etmek baradaky maslahatyna salgylanyp, ýadro güýçleriniň aç-açan borçnamalaryny takyk möhletde ýerine ýetirmelidigini aýtdy.
Eýran Yslam Respublikasynyň Daşary işler ministri ABŞ-nyň ýadro gorhanalaryny döwrebaplaşdyrmak we berkitmek boýunça alyp barýan işine yşarat etmek bilen "Gynansagam, ABŞ täze ýadro ýaraglary öndürmek bilen gorhanasyny kämilleşdirmek we güýçlendirmek bilen çäklenmän, eýsem ýarag ulanmagyň bosagasynyň derejesini hem peseldip başga ýurtlara howp salýar diýdi.
Muhammet Jawad Zarif sözüniň dowamynda Amerikanyň ýadro ylalaşygyň iş maslahatyndan we NPT şertnamasyndan çykmagy NPT-ä uly zarbany urandyr diýdi.