Lawrow bilen Zarif, Nagorno-Garabag dartgynlylygyň syýasy çözülmelidigini nygtadylar
Eýran Yslam Respublikasynyň Daşary işler ministrleri Muhammet Jawad Zarif we Orsýetiň Daşary işler ministrleri Sergeý Lawrow hepdäniň boýunda ikinji gezek sişenbe güni gije geçirilen telefon söhbetdeşliginde Nagorno-Garabag dawasyny syýasy ýollar bilen çözmegiň zerurdygyny aýtdylar.
IRNA habar gullugynyň habaryna görä, Orsýetiň Daşary işler ministrligi Zarif bilen Lawrow bu söhbetdeşlikde Azerbaýjan Respublikasy bilen Ermenistan arasynda görlüp-eşidilmedik dartgynlylygyň güýçlenmegine alada bildirýändigini aýtmak bilen Nagorno-Garabag dartgynlylygynyň syýasy ýollar arkaly çözülmegini nygtadylar.
Eýran we Orsýetiň daşary işler ministrleri Nagorno-Garabag sebitine Liwiýadan we Siriýadan söweşijileriň bardygyna alada bildirdiler.
Zarif bilen Lawrow geçen anna güni hem Nagorno-Garabagdaky soňky wakalar barada telefon arkaly söhbetdeşlik geçirdiler.
Azerbaýjan Respublikasy bilen Ermenistan arasynda Nagorno-Garabag sebitinde bolan çaknyşyk geçen hepdäniň ýekşenbe güni irden gaýtadan başlandy we şu wagta çenli birnäçe adamyň ölmegine baryp çatdy.
Azerbaýjan Respublikasy bilen Ermenistanyň arasyndaky Nagorno-Garabag sebiti baradaky dawa 1988-nji ýylda başlandy we 1992-nji ýylda harby çaknyşyklara öwrüldi we netijede Azerbaýjan Respublikasynyň Nagorno-Garabag sebitini we ýedi goňşy şäherini Ermenistan güýçleri basyp aldy.
Şu wagta çenli köp ýurt, şol sanda Eýran Yslam Respublikasy konflikti bes etmegi we Baku bilen Ýerewanyň arasynda gepleşikleriň başlamagyny isledi.