Hatibzadeh: Eýran Orsýeti esasy goranyş-harby hyzmatdaşlaryndan biri hasaplaýar

Eýranyň Daşary işler ministrliginiň metbugat sekretary Orsýeti goranmak we harby ugurlar boýunça esasy hyzmatdaşlaryndan biri hökmünde häsiýetlendirdi we Eýrana garşy ýarag gadaganlygynyň ýatyrylmagy bilen Tähran we Moskwa bu ugurlardaky hyzmatdaşlygy gowulaşdyryp biljekdigini aýtdy.

Çarşenbe güni Sputnik bilen söhbetdeşlikde Eýranyň Daşary işler ministrliginiň metbugat sekretary Said Hatibzadeh Tähran-Moskwa gepleşikleriniň bilelikdäki goranmak hyzmatdaşlygy komissiýasynyň çäginde geçirilýändigini aýtmak bilen “Dost ýurtlardan” islendik ýarag satyn almak Eýranyň esasy zerurlyklaryna bagly bolup, Tähran kanuny çäklendirmesiz zerur enjamlary we ýaraglary satyn alyp biler diýdi.

Hatibzadeh, sanksiýalara endik eden Amerikanyň Birleşen Ştatlarynyň BMG Howpsuzlyk Geňeşinde ýeňlişe sezewar bolandan soň Eýrana garşy täze sanksiýalar girizjekdigini aýtmak bilen ABŞ-nyň Eýrana birtaraplaýyn sanksiýalary girizmek synanyşygy halkara hukugynyň bozulmagydyr we şowsuzlyga uçrajakdyr.

Söhbetdeşligiň başga bir bölüminde Eýranyň Daşary işler ministrliginiň metbugat sekretary Tähranyň, ýetip gelýän ABŞ saýlawlaryny bu ýurt üçin içerki mesele hasaplaýandygyna yşarat edip Eýran, ABŞ-nyň prezident saýlawynda bir dalaşgäri beýlekisinden ileri tutmaýandygyny birnäçe gezek mälim edendir we saýlawy içerki mesele diýip hasaplaýandygyny yglan edendir.

Hatibzadeh, şeýle hem Saud Arabystanynyň sebitleýin dartgynlygy öjükdirmekdäki roluna yşarat edip Riýad öz çeşmelerini ABŞ-nyň hökümetiniň erkinde goýdy, ýöne Riýad sebitdäki dartgynlygy azaltmak we syýasatyny üýtgetmek kararyna gelse, Eýran ony aç-açan garşylar diýdi.