Eýran Azerbaýjan Respublikasy, Ermenistan we Orsýet arasyndaky ylalaşygy garşy aldy
Eýran Yslam Respublikasynyň Daşary işler ministrligi Azerbaýjan Respublikasy, Ermenistan we Orsýetiň arasyndaky Nagorno-Garabag dartgynlylygy baradaky ylalaşygy garşy aldy.
Eýranyň Daşary işler ministrligi sişenbe güni beren beýanatynda usullary Eýran Yslam Respublikasynyň hödür beren teklibinde hem getirilen ýörelgeleriň Azerbaýjan Respublikasy ,Ermenistan Respublikasy we Orsýet Federasiýasynyň arasyndaky ylalaşykda nygtalmagy Kawkaz sebitinde dowamly parahatçylyga sebäp bolmagyny umyt etdi.
Bu beýannamayň dowamynda Eýran Yslam Respublikasynyň Daşary işler ministrligi özygtyýarlylyga we territorial bitewilige hormat goýmagyň, basyp alnan ýerleri azat etmegiň, bosgunlary yzyna gaýtarmagyň, azlyklaryň howpsuzlygyna we hukuklaryna hormat goýmagyň we ähli Takfiri güýçlerini we daşary ýurtly söweşijileri sebitden çykarmagyň zerurdygyny aýtmak bilen Eýran sebitde dowamly parahatçylygyň we howpsuzlygyň ýola goýulmagyna we sebit başlangyçlaryna gatnaşmaga taýýardygyny yglan etdi.
Eýranyň Daşary işler ministrligi şeýle-de Yslam respublikasy, ýaraşyk şertnamasynyň 3-nji we 4-nji bölümlerine laýyklykda Orsýet Federasiýasynyň parahatçylygy goraýyş güýçleriniň aragatnaşyk liniýalaryna ýerleşdirilmegine kömek bermäge taýýardygyny mälim etdi.
Azerbaýjan Rspublikasynyň prezidenti Ilham Aliýew, Ermenistanyň premýer-ministri Nikol Paşinýan we Orsýetiň prezidenti Wladimir Putin düýn (duşenbe) 10-njy noýabrda Moskwa wagtynda irden Nagorno-Garabag konflikt zonasyndaky ähli söweşleriň bes ediljekdigini yglan etdiler.