Ruhani: Iň ýokary basyş döwüri gutaryp barýar
Eýran Yslam Respublikasynyň prezidenti, iň ýokary basyşyň gutarýandygyny aýdyp, Eýran halky ýakyn wagtda çydam we berk durmaklarynyň netijesini alar diýdi.
Eýran Yslam Respublikasynyň prezidenti Hasan Ruhani penşenbe güni wideo konferensiýa görnüşinde geçirilen bilim we lukmançylyk taslamalarynyň açylyş dabarasynda şeýle diýdi: “Häzirki wagtda ABŞ-dan beýleki ýurtlara çenli dünýädäki ähli alamatlar iň ýokary basyşyň jogap bermändigini we bu syýasatyň şowsuz bolandygyny görkezýär.
Ruhani, ähli ýerine ýetiriji guramalaryň tagallalary we halkyň kömegi bilen Eýran Yslam Respublikasy duşmanlaryň eziji we bikanun sanksiýalarynyň agyr şertlerini ýeňip geçjekdigine umyt bildirdi.
Eýranyň prezidenti,sözüniň dowamynda Yslam Eýranyň çagalaryna bilim bermegiň kölegesinde ýurduň ösüşi, garaşsyzlygy we milli howpsuzlygy üpjün bolýandygyna yşarat edip bir günde 1550 bilim taslamasynyň açylmagyna we her gün 27 synp otagynyň bilim sapaklaryna goşulmagyna ünsi çekip bu işleriň döwletiň ylma, medeniýete we bilime aýratyn üns berýändigini görkezýändir diýdi.
prezident Ruhani saglyk pudagynda üç taslamanyň açylyş dabarasyny hem yşarat edip Eýran Yslam Respublikasy, rehimli we yhlasly lukmanlaryň we hünärmenleriň peýdasy bilen häzirki wagtda lukmançylyk bilimleri we tejribesi boýunça dünýäniň iň ösen ýurtlaryndan biridir we dünýäniň dürli ýurtlaryndan köp hassalar bejergi üçin Eýrana gelýärler diýdi.
Şu gün (penşenbe) Eýran Yslam Respublikasynyň Prezidentiniň wideo konferensiýasynyň gatnaşmagynda Eýranyň hemme ýerinde Bilim ministrliginiň 1,550 milli taslamasynyň we Saglygy goraýyş we lukmançylyk bilim ministrliginiň üç taslamasynyň açylyş dabarasy Kerman, Gum we Maşat şäherinde geçirildi.
