Hatibzadeh: Al-Saudyň hökümdarlary diňe Yslam dünýäsiniň we sebitiň mümkinçiliklerine bil baglamalydyrlar

Eýranyň Daşary işler ministrliginiň metbugat sekretary Saud Arabystany Patyşasynyň sözlerine reaksiýa bildirip, Al-Saudyň hökümdarlarynyň diňe Yslam dünýäsiniň we sebitiniň mümkinçiliklerine bil baglamalydygyny we Eýranyň henizem dostluk goluny ähli yslam ýurtlaryna tarap uzadyp durandygyny aýtdy.

Saud Arabystanynyň şasy Salman bin Abdulaziz ýakynda Saud Arabystanyň mejlisiniň sekizinji möhletiniň açylyş dabarasynda Eýrana garşy aýyplama bildirdi we halkara jemgyýetçiligini Tähranyň käbir hereketlerine garşy durmaga çagyrdy.

Eýranyň Daşary işler ministrliginiň metbugat sekretary Said Hatibzadeh duşenbe güni metbugat işgärleri bilen geçirilen wideo konferensiýada Eýran Press habarçysynyň beren sowalyna jogap edip, Saud Arabystanyň hökümdarlarynyň gaýtalanýan we biderek sözleriniň adaty zatdygyna yşarat edip Al-Saud režimi ýarag satyn almak açgözlügi we sebit we halkara deňlemeleri barada dogry bilimiň bolmazlygy bilen hem-de halkyna basyş bermek bilen sebiti dolandyryp bilmez diýdi.

Hatibzadeh, Ýemen halkyny öldürmek arkaly parahatçyly gazanyp bolmajakdygyny şeýle-de takfiri toparlary bilen birleşip, Yslam dünýäsiniň baýlyklaryny ogurlap bolmajakdygyny aýtdy.

Eýranyň Daşary işler ministrliginiň metbugat sekretary Tähranyň Al-Saudyň ähli ýalňyşlyklaryny, meýilnamalaryny we dildüwşüklerini bilýändigini aýdyp Eýran bilen Saud Arabystanynyň goňşudygyny we sebiti gowulaşdyrmak üçin bilelikde işlemekden başga alajynyň ýokdugyny aýtdy.

Hatibzadeh, şeýle hem, Eýranyň demirgazyk-günbatar serhetlerinde bolup geçen wakalara ünsi çekdi we Eýranyň demirgazyk-günbatar serhetleriniň üýtgemändigini we koridoryň üstaşyr ýoldygyny aýtdy.