Hatibzadeh: Eýran goranyş syýasatlaryna kesekileriň goşulmagyna ýol bermez

Eýranyň Daşary işler ministrliginiň metbugat sekretary Tähranyň halkara kanunlaryna we borçlaryna hemişe boýun bolýandygyny aýtmak bilen Eýran ýadro programmasy, raketa we goranyş syýasatlaryna kesekileriň goşulmagyna hiç hili ýol bermez diýdi.

Eýranyň Daşary işler ministrliginiň metbugat sekretary Said Hatibzadeh çarşenbe güni Pars aýlag hyzmatdaşlygy geňeşiniň sammitiniň soňky beýanynda aýdylan gaýtalanýan we esassyz aýyplamalary ýazgarmak bilen muny Saud Arabystanynyň  režiminiň daşky gurşawa we düşünişmezliginiň, kineli bolmagynyň we geňeşe syýasy basyşynyň netijesi hökmünde häsiýetlendirdi.

Hatibzadeh Saud Arabystanynyň režiminiň sebit syýasatlaryny we Eýran Yslam Respublikasyna we beýleki ýurtlara weýrançylykly garaýyşlary goňşy ýurtlaryň baýlygynyň köp böleginiň ýok bolmagyna sebäp bolmakdan başga-da sebiti günbatar kompaniýalary üçin ýarag ammaryna öwürendir diýip bu ýurdy günäkärledi.

Eýranyň Daşary işler ministrliginiň metbugat sekretary şeýle-de käbir arap ýurtlary bilen sionist režimiň arasyndaky gatnaşyklaryň kadalaşmagyna hem yşarat edip Saud Arabystanynyň režimi we beýleki ýurtlara jogapkärçiliksiz gatyşmagy bigünä parahat ilatyň, esasanam Ýemende ilatyň öldürilmegine we sebitde howpyň we terrorçylygyň ýaýramagyna sebäp bolan ýurtlar, adam hukuklaryna garşy eden jenaýatlaryny ýapmaga we halkara jezalaryndan gaça durmaga synanyşýarlar diýip beýan etdi.

Hatibzadeh sözleriniň dowamynda, käbir Pars Aýlag hyzmatdaşlygy geňeşiniň ýurtlary tarapyndan ABŞ režiminiň Eýran halkyna garşy ykdysady terrorçylygyny aç-açan goldaýandygyny ýazgarmak bilen muny goňşuçylyk syýasatyna ters gelýär diýip häsiýetlendirdi.