Eýran 6 taraplaýyn sebit hyzmatdaşlygynyň başlangyjyny garşy alýar
Eýranyň Daşary işler ministri, Azerbaýjan Respublikasynyň prezidentiniň “Alty partiýaly hyzmatdaşlyk başlangyjy” atly teklibini garşy almak bilen, Eýran Yslam Respublikasynyň sebitde parahatçylygyň, durnuklylygyň we asudalygyň ornaşmagyna goşant goşjak ähli ugurlarda kömek we hyzmatdaşlyga taýýardygyny mälim etdi.
Eýran Press habar gullugynyň habaryna görä, "Muhammet Jawad Zarif" duşenbe güni Azerbaýjan Respublikasynyň prezidenti "Ylham Aliýew" bilen duşuşdy we Azerbaýjan Respublikasynyň hökümetini we halkyny soňky ýeňişleri bilen gutlady we ikitaraplaýyn hyzmatdaşlygy giňeltmegiň möhümdigini aýtdy.
Eýranyň Daşary işler ministri şeýle-de Azerbaýjan Respublikasynyň Daşary işler ministriniň we Wise-premýeriniň Eýrana eden üstünlikli saparyna ünsi çekip, iki ýurduň arasyndaky hyzmatdaşlyga, esasanam ykdysady ugurda böküşe taýyn diýip baha berdi.
Eýran Diplomatik Korpusynyň başlygy Bilelikdäki Ykdysady Hyzmatdaşlyk Komissiýasynyň 14-nji tapgyrynyň netijelerinden hoşallyk bildirip, Eýran Yslam Respublikasynyň azat edilen ýerleriň durkuny täzelemäge, esasanam gurluşyk, tehniki hyzmatlar eksporty, elektrik pudagynda, Oba hojalygyny, magdanlary, metjitleri we ýadygärlikleri täzeden gurmaga işjeň gatnaşmaga taýýardygyny aýtdy.
Duşuşykda Azerbaýjanyň prezidenti Ylham Aliýew hem sebitdäki soňky wakalarda Eýran Yslam Respublikasynyň pozisiýasyna ýokary baha berdi we iki ýurduň arasyndaky hyzmatdaşlygyň derejesine kanagatlanma bildirdi.
Şeýle-de şu gün Eýranyň Daşary işler ministri Muhammet Jawad Zarif Azerbaýjanyň Daşary işler ministri Jeýhun Baýramow bilen duşuşyp, basyp alnan ýerler azat edilenden soň, Azerbaýjan Respublikasynda bolanyndan kanagatlanýandygyny we söweşiň pidalaryna, esasanam parahat ilata hormat goýýandygyny aýtmak bilen Maşgalalaryna gynanç bildirdi we täze tapgyry sebitde parahatçylygy we durnuklylygy üpjün etmekde we ähli taraplaryň bähbidine möhüm tapgyr hökmünde häsiýetlendirdi.
Zarif sebite eden saparynyň we Bakuwdan başlamagynyň maksadynyň parahatçylygy we asudalygy ýola goýmak üçin synanyşmakdygyny we kömek etmekden ybaratdygyny aýtdy we Azerbaýjan Respublikasynyň we Eýran resmileriniň arasyndaky ýygy duşuşyklaryň soňky aýlarda ýeterlik derejä ýetendigine kanagatlanma bildirdi.
Duşuşykda Azerbaýjan Respublikasynyň Daşary işler ministri Jeýhun Baýramow hem iki ýurduň arasyndaky gatnaşyklary dostluga we taryhy we medeni umumylyklara esaslandyrdy we Eýran Yslam Respublikasynyň territorial bitewilik we özygtyýarlylyk babatdaky pozisiýalaryna ýokary baha berdi.