Ruhani: Ýewropa wadalaryny ýerine ýetirmedi

Eýran Yslam Respublikasynyň prezidenti, ABŞ we Ýewropa tarapyndan borçnamalarynyň ýerine ýetirilmegini Eýranyň ýadro ylalaşygyna gaýdyp gelmeginiň şertidigini yglan etdi.

Eýran Yslam Respublikasynyň Prezidenti Hasan Ruhani çarşenbe güni Eýranyň Ministrler Kabinetiniň mejlisinde eden çykyşynda şu günler birnäçe ýurtdan başga bütin dünýä Amerikanyň Birleşen Ştatlarynyň ýadro ylalaşygyndaky borçnamalaryna gaýdyp gelmegini isleýändigini aýtmak bilen eger-de olar borçnamalaryna gaýdyp gelseler, Eýran ýadro ylalaşygyndaky ähli borçnamalaryna derrew gaýdyp geler diýdi.

Ruhani, şeýle hem duşmanyň Eýrana garşy ykdysady söweşiniň şowsuz bolandygyna yşarat edip: Häzirki wagtda duşmanyň ykdysady söweşiniň şowsuzlyga uçrandygyny we soňky günlerinde bolýandygyna öňkülerinden has ynamlydyrys we Eýranyň sebitdäki söwda hyzmatdaşlarynyň gatnaşygy hem düýpgöter üýtgändir diýip yglan etdi.

Eýran Yslam Respublikasynyň Prezidenti, şeýle hem Eýran Yslam Rewolýusiýasynyň ýeňşiniň kyrk ikinji ýyllygyny hatyralady we Yslam Rewolýusiýasynyň ýeňşini bellemegiň soňky birnäçe ýyldan tapawutlydygyny aýtmak bilen soňky birnäçe ýylda terrorçylyk we ykdysady uruş bilen bu ynkylaby ýykmagçy bolýanlar indi bu ýyl ýokdyrlar diýdi.