Putin: Owganystany täzeden gurmak Amerikanyň Birleşen Ştatlarynyň we onuň ýaranlarynyň jogapkärçiligidir

Russiýanyň prezidenti, türkmen kärdeşi bilen Moskwada duşuşandan soň, Owganystany gaýtadan dikeltmekde Günbataryň jogapkärdigini aýtdy.

Fars habar gullugynyň habaryna görä, Russiýanyň prezidenti Wladimir Putin anna güni (düýn) Türkmeniň prezidenti Serdar Berdymuhamedow bilen bolan duşuşykdan soň Owganystandaky aladaly ýagdaý we amerikalylaryň we onuň ýaranlarynyň jogapkärçiligi barada çykyş etdi.

Russiýanyň prezidenti Amerikanyň Birleşen Ştatlarynyň we onuň ýaranlarynyň uruşdan soň Owganystany täzeden gurmak üçin esasy borçnamalary we çykdajylary ýerine ýetirmelidigini aýtdy.

Putin şeýle-de "olaryň 20 ýyllyk gatyşmagy (ABŞ we onuň ýaranlary) bu ýurdy (Owganystan) kyn ýagdaýa saldy" diýdi.

Mundan başga-da, Russiýanyň prezidenti, Moskwanyň Owganystany uruşdan soňky dikeldiş we sebit infrastrukturasyna we logistika taslamalaryna goşulyşmagy baradaky maslahatlarynyň çäginde Türkmenistan we beýleki hyzmatdaşlar bilen hyzmatdaşlygy dowam etdirmäge taýýardygyny aýtdy.

Russiýanyň prezidenti bir ýagdaýda, ABŞ-nyň we onuň ýaranlarynyň Owganystan üçin 20 ýyllyk basybalyjylygyny göz öňünde tutup, jogapkärçiligini ýene bir gezek gaýtalandyr welin Soňky aýlarda halkara kömek guramalary Owganystandaky ynsanperwer ýagdaý barada birnäçe gezek duýduryş berdiler we bu ýurda gyssagly kömegiň zerurdygyny aýtdylar.