Mustafa al-Kazemi: Yragyň saýlawlaryny yza süýşürjek däl
Yragyň premýer-ministri, 10-njy oktýabrda geçiriljek parlament saýlawlaryň yza süýşürilmejekdigini aýtdy.
Duşenbe güni Al-Maýadiniň beren habaryna görä; Yragyň premýer-ministri Mustafa al-Kazemi Kuweýtdäki saparynyň çäginde saýlawlaryň wagtynda geçiriljekdigini we onuň yza süýşürilmejekdigini aýtdy.
Yragyň premýer-ministri jemgyýetçilik reformasynyň resminamasynyň ýakyn wagtda Yragyň kesgitli we esasy ýörelgesi hökmünde taýýarlanjakdygyny hem sözüniň üstüne goşdy.
Yrak hökümeti mundan ozal 6-njy iýunda parlament saýlawlarynyň geçiriljekdigini habar beripdi. Şeýle-de bolsa, Yrak resmileri saýlaw möhletini 10-njy oktýabra yza süýşürdi.
Mustafa al-Kazeminiň bu meseläni yglan etmeginden ozal Yrakdaky parlament saýlawlaryny yza süýşürmek mümkinçiligi barada gapma-garşy habarlar gelip gowuşýardy we Yrakly syýasy işgärleriň köpüsi saýlawlary yza süýşürmegiň hiç hili ýagdaýda bolmajakdyklaryny mälim edipdiler.
