Sadryň tarapdarlary tarapyndan Şwesiýanyň ilçihanasynyň Bagdatda ýakylmagy

Şwesiýanyň Bagdatdaky ilçihanasy Seýid Moqtada Sadryň hereketini goldaýanlar tarapyndan otlandy.

Çarşenbe güni (28-nji iýunda), Stokgolmda Selwan Momika (37 ýaşly) atly bir şwes, Gurban baýramynyň ilkinji gününde Guranyň bir nusgasyny ýyrtyp bu şäheriň merkezi metjidiniň öňüde otlady.

Momika bu jenaýaty, bu ýurduň polisiýasy yslama garşy demonstrasiýa geçirmäge rugsat bereninden soň etdi.

Kataryň Al Jazeera habar ulgamynyň habaryna görä, Sadr hereketiniň tarapdarlary Bagdatda Şwesiýanyň ilçihanasyny otlany soň ilçihana girdiler.

Bu habara görä, Yrakly protestçiler ilki Bagdadyň merkezindäki Al-Salahiýa sebitindäki Şwesiýanyň ilçihanasynyň binasynyň öňünde ýygnandylar we Şwesiýanyň hökümetiniň Gurany masgaralamak üçin rugsat bermeginiň tersine gygyryşdylar we bu çäräni ýazgardylar.

Yragyň Daşary işler ministrliginiň metbugat sekretary "Ahmad Al-Sahaf" bu ýurduň Daşary işler ministri "Fawad Hosseýniň" premýer-ministriň orunbasary we Şwesiýanyň Daşary işler ministri Tobias Billström bilen telefon arkaly bu ýerlikde gürrüň edendigini aýtdy.

Fawad Hosseýn bu sohbetdeşlikde bu Pozisiýanyň howplydygyny belläp, Şwesiýa hökümetinden bu kemsidiji hereketleriň gaýtalanmagynyň öňüni almagyny we olara garşy göreşmegi isledi.

Şol bir wagtyň özünde, Yragyň Daşary işler ministrligi Stokgolmda mukaddes Guranyň kemsidilmegine garşy çykyş edip Şwesiýanyň Bagdatdaky ilçisini çagyryp, bu kemsidiji jenaýatçynyň Bagdada berilmegini isledi.