Russiýa bilen sionist režimiň arasyndaky dartgynlygyň güýçlenmegi
Hamasyň wekilleriniň Moskwa eden saparyndan soň Ysraýyl bilen Russiýanyň arasyndaky dartgynlyk ýokarlandy.
Palestina çydam hereketiniň (Hamasyň) wekilleriniň Moskwa eden saparyndan soň Ysraýyl bilen Russiýanyň arasyndaky dartgynlyk ýokarlandy. Şunuň bilen baglylykda, Sionist režimiň Daşary işler ministrligi Palestina çydam hereketiniň (Hamasyň) wekilleriniň Moskwa gelmeklerine nägilelik bildirip Russiýanyň baslyp alnan ýerlerdäki ilçisi Anatoliý Wiktorowy ministrlige çagyryp nägilelikli notany gowşurdy.
Çap edilen habarlara görä, Hamasyň bu hereketiň syýasy edarasynyň agzasy Musa Abu Marzougyň ýolbaşçylygyndaky delegasiýa Russiýanyň birnäçe syýasy işgäri bilen duşuşdy we söhbetdeş boldy. Russiýanyň Daşary işler ministrligi bu kontekstde Hamas delegasiýasy bilen duşuşygyň dowamynda Hamasyň tarapyndan ýesir alnanlaryň boşadylmagy we rus raýatlaryny Gaza zolagyndan ewakuasiýa etmek meselesini ara alyp maslahatlaşandyklaryny habar berdi.
Hamas hereketi, şeýle hem palestinalylar bilen Ysraýylyň arasyndaky konflikti baradaky Russiýanyň prezidenti Wladimir Putiniň pozisiýasyna we Gazadaky söweşi duruzmak baradaky Moskwanyň diplomatik tagallalaryna ýokary baha berdi.
Ysraýylyň diplomatiýa desgasynyň jogapkäri Simon Halpirirn Hamasy aç-açan ýazgarmanlygy üçin moskwany tankytlady.
Sionist režimi bilen Russiýanyň arasyndaky gatnaşyklar soňky ýyllarda sebitdäki syýasy şertleriň we ösüşleriň täsiri astynda dartgynlaşdy. Siriýadaky krizisden we Moskwanyň bu krizise girmeginden soňra bu dartgynlyklar köpeldy. Emma soňky bir ýylda, Ukrainadaky söweşi, Russiýa bilen Sionist režiminiň arasyndaky dartgynlyk artdy. Sionist režimiň Günbatar ýurtlary bilen bilelikde Ukrainadan hemaýat etmegi,Moskwa bilen Tel Awiwiň arasyndaky dartgynlygy artdyrdy.
Ysraýyl tarapyndan Ukraina harby enjamlaryň iberilmegi we Amerikanyň syýasatlaryna goldaw bermegi, şol sanda Günbataryň Russiýa garşy sanksiýa syýasatlaryny goldamak, Moskwanyň Tel Awiwdan nägile bolmagyna sebäp bolandyr.