Liwan Hizbullahyň "Fouad Şokryň" şehit bolmagyna jogap hökmünde Ysraýyla beren jogaby

Liwanyň Hizbullah hereketi öz beýanatynda Sionist režimiň Beýrutda eden howa hüjüminde şehit serkerdesi "Fouad Şokryň" terror edilmegine ilkinji jogabyň başlandygyny habar berdi.

23-nji iýul, sişenbe güni agşam, Sionist režimi Beýrutyň Zahiýe sebitindäki Liwan Hizbullah hereketiniň baş serkerdelerinden bolýan Fouad Şokryň ýaşaýyş jaýyny üç sany raketa bilen nyşana aldy.

IRIB habar gullugynyň habaryna görä, Hizbullah öz beýanynda şu wagta çenli Palestinanyň demirgazygyndaky Ysraýylyň demir gümmez ulgamyna 320 roketanyň nyşana alnandygyny mälim etdi.

Ysraýyl bazalaryna edilen bu köpçülikleýin hüjüm, Liwan Hizbullahynyň serkerdelerinden biri general Fouad Şokryň şehit bolmagyna sebäp bolan Beýrutyň günorta çetinde sionist režimiň gazaply çozmagy bilen baglanyşyklydyr.

Liwan Hizbullahy operasiýasynyň birinji tapgyrynyň doly üstünlik bilen tamamlandygyny aýtmak bilen Sionist režimiň 11 garnizonyny we bazalaryny şol sanda Miron, Mahirt Nafi Ziw, Zaatun, Murabad al-Zaura, Sahl, Kila, Ýowa, basyp alnan Golanda ýeden we Nafah we Aýn Ze Tim, Ramot Naftali bazalary nyşana alandygyny yglan etdi.

Hizbullah ilkinji gezek päsgelçiliksiz nyşana urlan ballistik raketany ulandy.