Sionist režimiň Beýrutyň Dahiýa sebitine gaýtadan hüjümi

Sionist režimiň söweşijileri ýene bir gezek Liwanyň paýtagty Beýrutyň günortasynda ýerleşýän Dahiýany bombaladylar.

IRIB habar gullugynyň habaryna görä; Sionist režimiň söweşijileri soňky hüjümlerinde Beýrutyň Dahiýasyndaky "Al-Lilki" sebitini nyşana aldylar.

Habar çeşmeleri sionist režimiň düýn (anna) Beýrutyň günorta çetinde ýedinji hüjümi barada habar berdi.

Sionist režimi, Hizbullanyň ýarag saklaýan binalaryny nyşana alandygyny öňe sürdi ýone Liwanyň Hizbullah hereketi sionist režimiň Beýrutda bombalanan binalarda ýarag saklamak baradaky talaplaryny ret etdi we esassyz hasaplady.

Geçen duşenbe gününden bäri Sionist goşuny Liwanyň günortasyndaky dürli sebitlere köpçülikleýin hüjümlerini başlady we bu etap henizem dowam edýär.

Liwanyň Saglygy goraýyş ministrliginiň yglan etmegine görä, Ysraýyl jenaýatçy režiminiň goşunynyň Liwana eden köpçülikleýin hüjümleri netijesinde 700-den gowrak adam şehit boldy we 2600-den gowrak adam ýaralandy.