Hamasyň metbugat sekretary: Ylalaşygyň indiki tapgyrlaryny durmuşa geçirmäge taýýar

Hamas hereketiniň metbugat sekretary Hazem Kassem, hereketiň syýasy we şertnamanyň ikinji we üçünji tapgyrlaryny durmuşa geçirmek üçin syýasy we meýdany taýdan doly taýýardygyny aýtdy.

Pars Today -iň habaryna görä, Kasem şertnamanyň ähli düzgünlerini ýerine ýetirmekde çynlakaýlygyny görkezmek üçin Hamasyň, araçylaryň haýyşyna razy boldy we şu etapda boşadyljak tussaglaryň sanyny köpeltdi diýdi.

Ol şeýle-de Ysraýyl režiminiň päsgelçiliklerine salgylanyp, Ysraýylyň gowşak durmagyna garamazdan, şertnamanyň ikinji tapgyry boýunça gepleşikleriň esasanam Donald Trumpyň soňky çykyşlaryndan soň ýakyn wagtda başlamagyna garaşýarys diýdi.

Hamasyň metbugat sekretary, Ysraýylyň režiminiň Hamasy Gazany dolandyrmakdan aýyrmak baradaky ýagdaýyna psihologiki söweş diýip baha berdi we garşylygyň Gaza zolagyndan çekilmeginiň hiç hili ýol bilen kabul edilip bilinmejekdigini aýtdy.

Şeýle hem ol, Hamasyň Benýamin Netanýahunyň garşylygy ýaragsyzlandyrmak we hereketiň ýolbaşçylaryny ýok etmek baradaky şertlerini kabul etmeýändigini aýtdy.