Sionistleriň Gaza garşy hüjümleri dowam edýär

Sionist režiminiň Gazanyň dürli sebitlerine edýän köpçülikleýin hüjümlerinde azyndan 37 adam şehit boldy.

Pars Today -iň habaryna görä, sionist režimi Gazany palestinalylary etniki taýdan arassalamak üçin häzirki wagtda halkara jemgyýetçiliginiň ümsümliginiň we ABŞ-nyň goldawynyň kölegesinde bu zolagyň ýaşaýjylaryny genosid edýär.

Şoňa laýyklykda Palestina çeşmeleri sionist režimiň Gazanyň gündogaryndaky Şujaeýa mähellesine eden hüjüminde azyndan 3 parahat ýaşaýjynyň şehit bolandygyny habar berdi.

Bu aralykda, sionist režimiň goşuny Han Ýunisde ýaşaýan palestinalylary Al-Mawasi sebitiniň günortasyna yza çekilmäge çagyrýan täze buýruk berdi.

Gazanyň Saglygy goraýyş ministrligi beýannama ýaýradyp, sionist režimiň Gazadaky şu günki wagşylygy wagtynda azyndan 37 parahat ýaşaýjynyň şehit bolmagyny tassyklady.

Şehit bolanlaryň azyndan 25-si sionist režimiň goşunynyň bu zolagyň merkezinde we günortasynda alyp barýan işleri bilen baglanyşykly.

Şeýle-de bolsa, giň weýrançylyk we harabalygyň aşagynda galan köp jeset göz öňünde tutulanda, sionistleriň wagşylygyndan şehit bolanlaryň we adam pidalarynyň sany ilkibaşda yglan edilen sanlardan has köpdyr.

Şol bir wagtda sionist režimiň uryş ministri israel Katz Gazadaky hüjümleriň möwjeýändigini habar berdi.