Ýewreý metbugaty: Ýewropanyň merkezinde Ysraýyla garşy duýgy ýokarlanýar

Deňi-taýy bolmadyk özgerişde Milanyň dürli ýerlerinde “Ysraýyllylar garşylanmaýar” diýen ýazgylar ýerleşdirildi we italýan dükanlary Ysraýyl önümlerini tekjelerinden çykardylar. Bu ädim Gazadaky palestinalylaryň gyrgynçylygyna jogap hökmünde görülýär.

Pars Today -iň habaryna görä, “Yedioth Aharonot” gazeti bir hasabat boýunça, Italiýada ysraýyllylara garşy negatiw reaksiýalar ep-esli artdy we bu ýurt Ysraýyl bilen baglanyşykly önümleri we markalary boýkot etmek meselesinde görlüp-eşidilmedik üýtgeşmä sezewar boldy. Ilki bilen Ysraýyly goldaýan Ysraýyl kompaniýalaryndan we global kompaniýalardan harytlary boýkot etmek bilen çäklenýän bu garaýyş, indi Ysraýyl raýatlaryna garşy gahar-gazap tolkunyna öwrüldi diýip ýazdy.

Hasabatda aýdylmagyna görä, soňky hepdelerde Milanda we bütin Italiýada ýaşaýan ýewreýler diwarlara, dükanlara, metro stansiýalaryna we hatda ýewreý etraplarynyň girelgelerine “Ysraýyllylary garşylamaýarlar” diýen ýazgy bilen ýüzbe-ýüz bolupdyrlar. Bu alamatlar Ysraýylyň Gaza zolagynda alyp barýan harby hereketlerine we palestinalylaryň köpçülikleýin öldürilmegine garşy giňden ýaýran protestleriň nyşanydyr.

Şunuň bilen baglylykda, “Yedioth Aharonot” gazeti Italiýanyň “Kobe” dükanlar zynjyrynyň Ysraýylyň ähli önümlerini 350 şahamçasynyň tekjelerinden çykarmak we ýerine “Gaza Cola” atly täze içgi bilen çalyşmak baradaky kararyna salgylanýar.

Şeýle hem bu dükanlar bu içgini satmakdan alnan ähli girdejini palestina halkynyň peýdasyna berjekdigini habar berdi.