Sionist režimiň uruş ministriniň içerki düşünişmezlikleri basyrmak synanyşygy

Sionist režimiň uruş ministri Ysraýyl Katz, bu režimiň harby we syýasy işgärleriniň arasyndaky içerki düşünişmezlikleri ýaşyrmak üçin goşunyň Sionistl tussaglaryny boşatmak we Hamasy ýeňmek üçin kesgitlenen syýasatlara esaslanýandygyny öňe sürdi.

Sişenbe güni IRNA-nyň Al Jazeera telewideniýesine salgylanyp beren habaryna görä Sionist režimiň uruş ministri Katz goşun ähli güýçlerini Hamasy ýeňmek we tussaglary mümkin boldugyça tiz yzyna gaýtarmak wezipesini ýerine ýetirmelidir diýdi.

Katz Hamasy ýeňmek we tussaglary boşatmak ýaly bu iki meseläniň häzirki wagtda goşunyň iň möhüm wezipeleridigini öňe sürdi.

Ysraýylyň uruş ministri şeýle hem harby ýolbaşçylygyň uruş ministrine baglydygyny we kesgitlenen buýruklara we syýasatlara esaslanýandygyny aýtdy.

Bu sözler soňky günlerde Sionist režimiň syýasy we harby işgärleriniň arasynda içerki düşünişmezlikleriň güýçlenýän döwrüne gabat geldi.

Mundan ozal "Maariv" gazetinde Sionist režimiň syýasy we harby häkimiýetleriniň arasyndaky içerki krizisiň möwjemegi barada habar berildi, Hamas bilen gepleşikleriň häzirki wagtda Benýamin Netanýahu we Ron Dermeriň kiçi topary bilen çäklenýändigi we harby işgärlere gepleşikleriň jikme-jiklikleri barada maglumat berilmegine rugsat berilmeýändigi aýdylýar.