BMG-niň Ýörite Habarçysy: Ysraýylyň Liwana hüjümleri uruş jenaýatydyr

BMG-niň sudsuz jezalandyrmalar boýunça Ýörite Habarçysy Ysraýylyň Liwandaky parahat ilata hüjümlerini uruş jenaýaty hökmünde häsiýetlendirdi.

BMG-niň Ýörite Habarçysy Ysraýylyň Liwana garşy agressiw hüjümlerini BMG-niň Düzgünnamasynyň, 1701-nji Kararynyň we Liwanyň özygtyýarlygynyň bozulmagy hasaplady. Liwanyň Saglygy goraýyş ministrligi düýn (anna güni) ok atyşlygy bes etmek baradaky ylalaşyk güýje girenden bäri Ysraýyl režiminiň Liwana garşy agressiw hüjümlerinde şehit bolanlaryň we ýaralananlaryň sany barada täze statistika çap etdi.

Bu statistikalara görä, söweşleri bes etmek baradaky ylalaşyk durmuşa geçirilenden bäri şehit bolanlaryň sany 331-e, ýaralananlaryň sany bolsa 945-e ýetdi. BMG-niň Liwanyň günortasyndaky parahatçylyk goraýjy güýçleriniň (UNIFIL) metbugat wekili ýakynda Ysraýyl režiminiň ok atyşlygy bes etmek baradaky ylalaşyk ýola goýlandan bäri Liwanyň howa giňişligini 7300 gezek bozandygyny yglan etdi.

BMG-niň Liwanyň günortasyndaky parahatçylyk goraýjy güýçleriniň metbugat wekili şeýle hem UNIFIL-iň Howpsuzlyk Geňeşine ok atyşlygy bes etmek baradaky ylalaşygyň ähli bozulmalaryny öz içine alýan 1701-nji Kararynyň ýerine ýetirilişiniň gidişi barada hasabat berjekdigini yglan etdi.