Eýran Arbaein zyýaratçylaryň işlerini aňsatlaşdyrmakda Yraga kömek etmäge taýýardyr
Eýran Yslam Respublikasy Ymam Hoseýin(as) hezretleriniň arbaein myrasymyna gatnaşjak zyýaratçylaryň işlerini aňsatlaşdyrmakda Yraga kömek etmäge taýýardygyny yglan etdi.
Yragyň resmileri bilen duşuşmak niýeti bilen şu gün Eýranyň Mehran serhedinden Yragyň topragyna giren Eýranyň içeri işler ministri Abdulreza Rahmani Fazli Najaf Aşraf şäherinde Yragyň içeri işler ministrniň metbugat wekili serleşger Saed Moen bilen bilelikde geçiren habar konferensiýada Eýranly zyýaratçylaryň Yraga girmekleriniň aňsatlaşmagy ugurynda Eýran bilen Yragyň gowy ädimleri ädendigine yşarat edip Eýran Yslam Respublikasy Ymam Hoseýin(as)yň gyrkynyň ýyllyk myrasymyna gatnaşjak zyýaratçylarynyň işleriniň aňsatlaşmagy üçin Yrakly doganlaryna kömek etmäge taýýardyr diýdi.
Karbala sapar edip arbaein baradaky bir näçe ýörite maslahata gatnaşmak Eýranyň içeri işler ministriniň Yraga bolýan saparynyň beýleki maksatlaryndandyr.
Eýranyň içeri işler ministri Yraga uguramazdan öňürti habarçylaryň arasynda beren gürrüňlerinde arbaein ýol ýöreşi gowy suratda geçirmek ugurda Yragyň içeri işler ministri we Yragyň serhet welaýatlarynyň häkimleri bilen geçiriljek maslahatda tutum tutuljakdygyny aýtdy.
