DAEŞ Pakistandaky şaýy metjidine edilen hüjümiň jogapkärçiligini öz üstüne alýar
DAEŞ terrorçylyk topary anna güni agşam Pakistandaky Peşawar şaýy metjidine edilen terrorçylykly hüjümiň jogapkärçiligini öz üstüne aldy.
EýranPress habar gullugynyň habaryna görä, Anna güni Pakistanyň demirgazyk-günbatar Haýber Pahtunhwa welaýatynyň merkezi Peşawarda bir şaýy metjidinde bomba partladyldy netijede 56-dan gowrak ybadatçy öldürildi we 190 töweregi adam ýaralandy.
Käbir ýaralananlaryň hal ýagdaýnyň agyrdygy we ölenleriň sanynyň artmagynyň mümkindigi habar berilýär.
Haýber Pahtunhwa Pakistanda iň howply welaýatlaryndan biridir we bu welaýatda “Talyban”, “Jamaat al-Ahrar” we “Sahaba Sepasy” ýaly terrorçylyk toparlary bardyr.
Eýranyň Daşary işler ministrliginiň metbugat sekretary Pakistanyň Peşawar şäherindäki metjide edilen terrorçylykly hüjümi ýazgardy.
Eýranyň Daşary işler ministrliginiň metbugat sekretary Said Hatibzadeh Pakistandaky Peşawar metjidine edilen hüjümi musulmanlary bölmek üçin terrorçylykly hereket hasaplap ony ýazgardy.
