Sionist režimiň Maliýe ministriniň soňky çykyşlary Birleşen Milletler Guramasy tarapyndan ýazgaryldy

Birleşen Milletler Guramasynyň Baş sekretarynyň metbugat sekretary, Sionist režimiň Maliýe ministriniň Nablusyň günortasyndaky Hawara obasynyň weýran edilmegi baradaky soňky sözlerini ýazgardy.

Sionist režimiň Maliýe ministri Smotriç 26-njy fewralda Nablusyň günortasyndaky Hawara sebitine ýewreýleriň palestinalylara garşy köpçülikleýin hüjümlerini goldaýandygyny aýtdy we sebitde etnik arassalanmagy talap etdi.

22-nji fewralda basyp alnan Günbatar Şeriýanyň demirgazygyndaky Sionist goşun güýçleriniň Nablusa eden hüjüminde, 11 palestinaly şehit boldy we 102 adam ýaralandy we bu mesele dartgynlylygyň täzeden başlamagyna sebäp boldy.

"Al Jazeera" -nyň habaryna görä, Birleşen Milletler Guramasynyň Baş sekretarynyň metbugat sekretary Stiwen Dujarric, Sionist režimiň Maliýe ministriniň Nablusyň günortasyndaky Hawara obasynyň weýran edilmegi baradaky sözlerini ýazgarmak bilen bu sözleriň prowokatiw, dartgynly we kabul ederliksiz we Birleşen Milletler Guramasynyň kararlaryna ters gelýändigini aýtdy.

Mundan ozal Palestina hökümetiniň premýer-ministri Muhammet Aştiýeh hem geçen çarşenbe güni agşam eden çykyşynda Sionist režimiň Maliýe ministri Smutriçi Nablusdaky Hawara obasynyň weýran edilmegi barada aýdan sözlerini terrorist we jynsparaz diýip atlandyrdy.

Kataryň Daşary işler ministrligi hem anna güni agşam Sionist režimiň maliýe ministri  Smutriçiň Palestinanyň Hawara obasynyň weýran edilmegi baradaky sözlerine jogap edip, munuň uruş jenaýatyna başlamak üçin ygtyýarnama bermekdigini aýtdy.