Trýudo Bilen Zelenskiý Telefon Arkaly Söhbetdeşlik Geçirdi

Kanada harby we maliýe kömegi bilen birlikde Ukraina goldaw bermäge dowam eder.

Kanadanyň Premýer-ministri Žastin Trýudo, Ukrainanyň Prezidenti Wolodimir Zelenkiý bilen telefon arkaly söhbetdeşlik geçirdi.

Kanadanyň Premýer ministri telefon söhbetdeşliginde ukrainanyň halkyna goldaw bermäge dowam etjekdiklerini belledi.

Kanada tarapyndan berlen beýannama görä, iki lider telefon söhbetdeşliginde Ukrainada başdan geçirilýän soňky wakalar we Kanadanyň Ukraina berjek kömekleri hakynda pikir alyşdy.

Trýudo, ýurdunyň Russiýanyň asuda ilata garşy guraýan hüjümlerine we ukrainaly çagalaryň zor bilen Russiýa alnyp gidilmegine garşy göreşýän ukrainanyň halky bilen arakaşykly hereket edýändiklerine ünsi çekdi.

Premýer-ministr Trýudo, Kanadanyň harby we maliýe kömegi bilen birlikde Ukraina goldaw bermäge dowam etjekdiklerini ýatlatdy.

Trýudo bilen Zelenskiý ýakyndan aragatnaşyk saklamaga dowam etjekdiklerini belledi.

Emma Federal Kansleriň resmi internet saýtynda berilen habara görä, wada berilen täze harby kömek bukjasynyň çägindäki 2-nji tapgyr "IRIS-T SLM" howa goranyş ulgamlary we ok-därileri gowşuryldy. 

Germaniýa 18-nji aprelde Ukraina 1-nji "IRIS-T SLM" howa goranyş ulgamlaryny gowşurypdy. 

Beýleki tarapdan Germaniýa ýene-de 8 sany Mercedes-Benz Zetros ýük ulagyny Ukraina gowşurdy. 

Germaniýanyň hökümeti 18-nji aprelde Ukraina "Patriot" howa goranyş ulgamlaryny we raketalaryny gowşurandygyny habar beripdi. 

Aýtmak ýerli Russiýa Ukrainanyň paýtagty Kiýew şäheri bilen birlidke Ukrainanyň ençeme şäherine howa hüjümlerini gurady.

Kiýew şäheriniň Harby dolanşyk edarasynyň başlygy Sergeý Popko sosial media hasabyndan beren beýanatynda, düýn gije ruslaryň Ukraina howa hüjümlerini gurandygyny habar berdi. 

Deslapky maglumatlara görä hüjümleriň Tu-95 strategik uçarlar bilen guralandygyny aýdan Popko: "Paýtagtda howa hüjümi bilen bagly duýduryş takmynan 3 sagat dowam etdi. Ruslar şol bir wagtda ganatly raketalar we uçarmansyz howa ulaglary bilen hem hüjümler gurady" diýip mälim etdi. 

Popko Kiýewiň howa giňişliginde Russiýanyň ähli raketalarynyň we uçarmansyz howa ulaglarynyň howa goranyş ulgamlary tarapyndan täsirsiz ýagdaýa getirilendigini, asuda ilatyň arasynda adam pidalarynyň, ýaşaýyş binalarynda we infrastrukturada bolsa ýitgi çekilmändigini aýan etdi. 

Ukrainanyň Baş ştabynyň başlygy Waleriý Zalužnyý hem sosial media hasabyndan beren beýanatynda, ruslaryň Ukraina jemi 18 ganatly raketa bilen hüjüm gurandygyny, şolaryň 15-siniň Ukrainanyň harby güýçleri tarapyndan täsirsiz ýagdaýa getirilendigini beýan etdi. 

Ukrainanyň Baş ştabyndan berilen beýanatda bolsa, düýn gije Russiýanyň goşunynyň Kramatorsk, Konstantinowka we Pawlograd şäherlerine 5 raketa bilen hüjüm gurandygy bellendi. 

Dnepropetrowsk sebitiniň Harby dolanşyk edarasynyň başlygy Sergeý Lysak sosial media hasabyndan beren beýanatynda, ruslaryň Pawlograd şäherine guran hüjümlerinde 3-si çaga jemi 25 adamyň ýaralanandygyny mälim etdi.