Türkiye bilen sionist režimiň arasynda bilelikdäki energiýa taslamalary togtadyldy
Türkiýäniň Energetika ministri Ankaranyň sionist režim bilen bilelikdäki energiýa taslamalarynyň hemmesini togtatmak kararyny yglan etdi.
Noýabr aýynda Türkiýäniň Energetika ministri Alp Arslan Baýraktar basyp alnan Palestina sapar etmeli boldy.
IRNA habar gullugynyň habaryna görä, Türkiýäniň Energetika ministri indi Ysraýyl bilen bilelikdäki energiýa taslamalarynyň durmuşa geçirilişini ara alyp maslahatlaşmagyň dogry wagty däldigini aýtmak bilen ara alyp maslahatlaşylyp bilinjek ýeke-täk mesele Gazanyň suwyny we elektrikini üpjün etmekdir diýdi.
Palestinanyň garşylyk hereketi (Hamas), sionist režimiň erbetliklerine jogap hökmünde şenbe güni (7-nji oktýabr) başlap, sionist režimiň basyp alnan ýerlerdäki pozisiýalaryna garşy Gazadan "Al-Aqsa tupany" atly ähliumumy operasiýany başlady.
Sionist režimi bolsa Gazany gabamak bilen ýaşaýyş ýerlerini bombalap, palestinaly raýatlary öldürip başlady.
Palestinanyň Saglygy goraýyş ministrliginiň habaryna görä, Ysraýylyň şu wagta çenli Gazada edýän yzygiderli hüjümlerinde 10,300-den gowrak palestinaly şehit boldy we olaryň ýarysyna golaýy çagalardyr.
