Hytaý: Eýranyň ýadro programmasy baradaky täze sanksiýalara garşydyrys

Hytaýyň Daşary işler ministrliginiň metbugat sekretary anna güni Ýewropa ýurtlarynyň üçüsiniň BMG-nyň Eýran Yslam Respublikasyna garşy sanksiýalaryny gaýtadan girizmek howpuna jogap hökmünde Pekin Eýrana täze sanksiýalaryň girizilmegine garşy çykýar we diplomatiýanyň ösmegine päsgelçilik hasaplaýar diýdi.

Lin Jian, ýadro programmasy sebäpli Eýrana täze sanksiýalaryň girizilmegine Pekiniň garşydygyny resmi taýdan yglan etdi, bu ädim Ýewropa güýçleriniň golaýlap gelýän möhletinde Tähran üçin möhüm diplomatik goldawydyr.

Pekiniň bu gaşy çykmagy Angliýanyň, Fransiýanyň we Germaniýanyň awgust aýynyň ahyryna çenli ýadro meselesini çözmek üçin diplomatik çözgüt tapylmasa BMG sanksiýalarynyň gaýtadan ulanyljakdygy baradaky duýduryşlaryna gönüden-göni garşy gelýär.

Hytaýyň Daşary işler ministrliginiň metbugat sekretary resmi beýanatynda Pekiniň “munuň taraplara ynamy artdyrmagyna we düşünişmezlikleri çözmäge kömek etmejekdigine ynanýandygyny we gepleşikleri has ir wagtda dowam etdirmek üçin diplomatik tagallalara amatly däldigini” aýtdy.

Eýranyň Daşary işler ministri Seýid Abbas Aragçi ýakynda Ýewropa ýurtlarynyň BMG-nyň sanksiýalaryny gaýtadan dikeltmek üçin “Snapback” mehanizmi işjeňleşdirmäge kanuny hukugynyň ýokdugyny aýtdy.