Trump: Putin bilen duşuşmak oňyn boldy; köp meselelerde ylalaşdyk

ABŞ-nyň prezidenti ýerli wagt bilen anna güni agşam, Russiýanyň prezidenti Wladimir Putin bilen üç sagatlap dowam eden gepleşiklerden soň, duşuşygyň konstruktiwdigini we iki tarapyň hem köp meselede ylalaşandygyny aýtdy.

ABŞ-nyň prezidenti Donald Trump, Alýaskadan Amerikanyň teleýaýlymlarynda göni ýaýlymda geçirilen metbugat ýygnagynda rus kärdeşi bilen gürleşenden soň, çykyşyny oňyn äheňde başlady; Şeýle-de bolsa, Putin bilen ýapyk gepleşiklerden soň käbir düşünişmezlik nokatlarynyň bardygyny aýtdy.

Trump Russiýanyň prezidenti bilen ikitaraplaýyn duşuşygynda "uly öňegidişligiň" gazanylandygyny we "köp nokatda ylalaşylandygyny" we diňe "gaty az nokatyň" galandygyny öňe sürdi.

ABŞ-nyň prezidenti şeýle hem, Ukrainanyň prezidentine, Ýewropa we NATO liderlerine Putin bilen duşuşygyndan soňky habarlary bermek üçin jaň etjekdigini aýtdy we "Şonuň üçin ylalaşyk gazanylýança ylalaşyk bolmaz" -diýdi.

Kremliň metbugat sekretary hem Wladimir Putin bilen Donald Trumpyň Alýaskadaky duşuşygyny halkara dawalaryny çözmek üçin möhüm ädim hasaplady.

Pars Today -iň habaryna görä, Kremliň metbugat sekretary Dmitriý Peskow žurnalistlere beren interwýusynda Russiýa bilen Amerikanyň prezidentleriniň arasyndaky duşuşygy oňyn diýip häsiýetlendirmek bilen bu, Ukrainadaky konflikti çözmegiň ýollaryny gözlemekde ynamly öňe gitmäge mümkinçilik berýän ýygnakdyr diýdi.