Petronyň tankytlaryna Trumpyň gahary

ABŞ-nyň prezidenti Kolumbiýanyň prezidentini neşe önümçiligini goldamakda aýyplady we ABŞ-nyň bu ýurda berýän maliýe kömeginiň kesiljekdigini aýtdy.

ABŞ-nyň prezidenti Donald Trump, Kolumbiýanyň prezidenti Gustawo Petronyň ýurtda neşe önümçiliginiň artmagyna ýol berendigini we munuň öňüni almak üçin hiç zat etmeýändigini aýtdy.

Trump ABŞ-nyň Kolumbiýa mundan beýläk hiç hili maliýe kömegini bermejekdigini we bu ýurt neşe fermalaryny ýapmasa, ABŞ-nyň özi çäre görjekdigini aýtdy. Muňa jogap edip Kolumbiýanyň prezidenti ABŞ-nyň Karib deňzindäki harby hüjümlerini ýazgardy we bu hüjümlerde bigünä balykçylaryň öldürilendigini aýtdy.

Soňky hepdelerde ABŞ sebitdäki ýurtlaryň nägileligini döreden Karib deňzinde neşe gaçakçylygynda güman edilýän birnäçe gaýyga hüjüm etdi.