Wenesuela milli özygtyýarlylygy goramakda Russiýanyň goldawyna minnetdarlyk bildirýär

Wenesuelanyň daşary işler ministri Iwan Gil Karakas milli özygtyýarlylygy goramakda we Karib deňzinde parahatçylyk zolagyny saklamakda Russiýanyň goldawyna minnetdar diýip yglan etdi.

Wenesuelanyň daşary işler ministri Iwan Gil öz notasynda Russiýa hökümetiniň Wenesuela halkynyň özygtyýarlylygyny we bähbitlerini goramakda goldawyna minnetdarlyk bildirdi. Ol şeýle-de bu goldaw ABŞ-nyň Karib deňzi sebitinde howplaryna, harby we bikanun hereketlerine garşy aýratyn möhümdir diýip beýan etdi. Gil şeýle hem Russiýanyň parahatçylyk zolagyny saklamakda we Karib deňziniň ykdysady, syýasy we sosial durnuklylygyny berkitmekde tutýan roluna ýokary baha berdi.

Russiýanyň Daşary işler ministrliginiň metbugat wekili Mariýa Zaharowa ozal Wenesuelanyň töweregindäki ýagdaýy durnuksyzlaşdyrmak üçin ABŞ-nyň hereketlerini ýazgarypdy.

Zaharowa Moskwanyň Nikolas Maduronyň hökümetine goldawyny ýene bir gezek ýatlady we Latyn Amerikasynyň we Karib deňziniň parahatçylyk zolagy bolmagynda galmalydygyny nygtady.