Maýk Pompeonyň Gündogar Ortaýer deňzindäki wakalara gatyşmagy

Amerikanyň daşary işler ministri dahylçylykly sözlerinde Türkiýäniň Gündogar Ortaýer deňzindäki işlerini aladalandyryjy hasaplady.

Fransiýa habar gullugynyň habaryna görä,Amerikanyň daşary işler ministri Maýk Pompeo şenbe güni Kipre eden saparynda Türkiýäniň Ortaýer deňziniň gündogarynda energiýa tapmak boýunça gözleg işlerine Waşingtonyň aladalanýandygyny aýtdy.

Pompeo sözüniň dowamynda Türkiýäniň gündogar Ortaýer deňzinde grek we Kipriň gözegçiligi astyndaky sebitlerde tebigy baýlyklary tapmak baradaky tagallalaryndan aladalanýandygyny yglan etdi.

Pompeonyň bu sözleri bir ýagdaýdadyr welin, Türkiýäniň Goranmak ministri hulusi Akar müňlerçe kilometr uzaklykdan Ortaýer deňzine gelen we rol oýnamaga synanyşanlar hetden aşa gitseler, Agyr bahany tölemeli boljakdygyny aýdypdy.

Türkiýäniň Goranmak ministri sözüniň dowamynda Türkiýe milli hukuklaryny we bähbitlerini goramak üçin hiç bir zatdangaýtmaz diýip yglan etdi.

Ortaýer deňziniň gündogarynda Türkiýäniň sebitdäki nebit we gaz baýlyklaryny çykarmak boýunça buraw we gözleg işleri sebäpli dartgynlylygyň ýokarlanmagy bilen, Fransiýa, Italiýa, Malta, Portugaliýa, Gresiýa we Kipr liderleri 10-njy sentýabrda "Ortaýer deňzi-7" atly ýygnakda Sebitdäki türk gözlegleriň togtadylmagyny islediler.

ýygnagyň soňunda çykarylan beýannamada Ankaranyň Ortaýer deňziniň gündogaryndaky hereketleri sebäpli bu ýurtlaryň Gresiýany we Kipriň grek bölegini goldaýandygy nygtaldy.