Ilham Aliýew: Ermenistan Garabagdan çykmazdan gepleşik geçirmeris

Azerbaýjan Respublikasynyň Prezidenti özüniň twitter sahypasynda diňe ermeni güýçleri Nagorno-Garabag sebitinden çekilen halatynda gepleşik geçirmäge taýýardygyny aýtdy.

Fars habar gullugynyň habaryna görä,Ilham Aliýew şeýle-de Ermenistanyň Nagorno-Garabag sebitiniň bu ýurduň bir bölegi däldigini we belli bir möhletde bu sebitden çykmalydygyny kabul etmelidigini ýazypdyr.

Aliýew sözüniň dowamynda bu ýagdaýa käbir Ýewropaly resmileriň jogapkärdigini we Azerbaýjan respublikasy barada myş-myşlary we ýalan habarlary ýaýradýandygyny ýazdy.

Elham Aliýew Ýewropa ýurtlarynyň parahatçylyga garşy alyp barýan hereketlerini ýazgardy we Minsk Topary ýurtlaryny (esasanam Orsýet, ABŞ, Fransiýa we Ýewropa Bileleşigi) Ermenistana basyş bermäge çagyrdy.

Iki ýurduň serhedindäki ermeni we azerbaýjan söweşijileriniň arasyndaky çaknyşyk geçen hepdäniň ýekşenbe gününden gaýtadan başlandy taraplar biri-birini söweşe başlamakda aýypladylar.