Kovid-19 epidemiýasy sebäpli dünýä derejesindäki adam ýitgileri dowam edýär
Dünýäde Kovid-19 epidemiýasy sebäpli ýogalanlaryň sany 1 million 61 müň 485 adamdan, wirusa ýoluganlaryň sany 36 million 448 müň 500 adamdan, saglyk ýagdaýy gowulaşanlaryň sany bolsa 27 million 444 müň 400 adamdan geçdi.
Epidemiýanyň güýç merkezi bolan ABŞ-da koronawirus sebäpli ýogalanlaryň sany 216 müň 788 adama, wirusa ýoluganlaryň sany bolsa 7 million 776 müň 796 adama ýetdi. Kovid-19-a garşy bejergisi dowam edýän ABŞ-nyň Prezidenti Donald Tramp, wideo ýüzlenmesinde Regeneron atly firma tarapyndan oýlanyp tapylan antitela kokteýliniň özüne gowy ýarandygyny we bu dermany her kime mugt berjekdiklerini belläp: "Bu kesel Hudaýyň maňa beren merhemedidigini pikir edýärin" diýip nygtady.
Italiýada soňky 24 sagatda 31 adamyň ýogalmagy bilen, ýurtda koronawirus sebäpli ýogalanlaryň sany jemi 36 müň 61 adama ýetdi. Ýurtda wirusa ýoluganlaryň sany bolsa 3 müň 678 adamlyk artyş bilen, 333 müň 940 adama ýetdi. Italiýanyň hökümeti 15-nji oktýabrda möhledi doljak Adatdan daşary ýagdaýyň 2021-nji ýylyň 31-nji ýanwaryna çenli uzadylmagyny kabul etdi.
Ispaniýada Kovid-19 sebäpli soňky 1 günde ýene-de 76 adamyň ýogalmagy bilen, ýurtda jemi adam ýitgisi 32 müň 562-ä, wirus ýokanlaryň sany bolsa 10 müň 491 adamlyk artyş bilen 835 müň 901 adama ýetdi.
Fransiýada epidemiýa sebäpli soňky 24 sagatda ýene-de 80 adam ýogaldy. Ýurtda şeýlelik bilen Kovid-19 sebäpli ýogalanlaryň sany 32 müň 445 adama, wirusa ýoluganlaryň sany bolsa 18 müň 746 adamlyk artyş bilen 653 müň 509 adama ýetdi. Prezident Emmanuel Makron wirusa ýolugýan adamlaryň sanynyň artmagy bilen, ülkede has berk öňüni alyş çäreleriň görülmelidigini belledi.
Portugaliýanyň Saglygy goraýyş guramasy, Kovid-19 epidemiýasy sebäpli soňky 24 sagatda ýene-de 8 adamyň ýogalandygyny mälim etdi. Ýurtda şeýlelik bilen jemi adam ýitgisi 2 müň 40-a, wirusa ýoluganlaryň sany bolsa 944 adamlyk artyş bilen 81 müň 256 adama ýetdi.
Koronawirus epidemiýasy sebäpli 9 müň 578 adamyň ýogalan Germaniýada, soňky 24 sagatda ýene-de 4 müň 58 adamyň hasaba alynmagy bilen, ýurtda wirusa ýoluganlaryň sany 310 müň 144 adama ýetdi.
Koronawirus epidemiýasy sebäpli ýogalanlaryň sany Çilide 13 müň 90 adama, Boliwiýada 8 müň 156 adama, Gwatemalada 3 müň 335 adama, Kosta-Rikada 1 müň 24 adama, Wenesuelada 665 adama, Braziliýada 148 müň 304 adama, Meksikada 82 müň 726 adama, Britaniýada 42 müň 515 adama, Peruda 33 müň 9 adama, Kolumbiýada 27 müň 180 adama, Argentinada 22 müň 226 adama, Ekwadorda 11 müň 743 adama we Belgiýada 10 müň 108 adama ýetdi.