Ruhaniniň gatnaşmagynda Şanhaý liderleriniň onlaýn ýygnagy geçirilýär
https://parstoday.ir/tk/news/world-i9273-ruhaniniň_gatnaşmagynda_Şanhaý_liderleriniň_onlaýn_ýygnagy_geçirilýär
Şanhaý Hyzmatdaşlyk Guramasynyň sammiti ertir (sişenbe) onlaýn ýagdaýda geçiriler.
(last modified 2021-12-27T07:01:41+00:00 )
News   /   Dünýä

Ruhaniniň gatnaşmagynda Şanhaý liderleriniň onlaýn ýygnagy geçirilýär

Nov 09, 2020 17:54 Asia/Ashgabat
  • Ruhaniniň gatnaşmagynda Şanhaý liderleriniň onlaýn ýygnagy geçirilýär

Şanhaý Hyzmatdaşlyk Guramasynyň sammiti ertir (sişenbe) onlaýn ýagdaýda geçiriler.

Eýranyň ISNA Habar Gullugynyň beren  habaryna görä, Eýran Yslam Respublikasynyň prezidenti Hasan Ruhaniniň gatnaşmagynda we Orsýet Federasiýasynyň prezidenti Wladimir Putiniň ýolbaşçylygyndaky ŞHG-a agza 20-nji sammit ertir (sişenbe) onlaýn ýagdaýda geçiriler.

Bu ýygnakda agza döwletleriň prezidentleriniň arasynda iň möhüm sebitleýin, halkara syýasy, ykdysady we howpsuzlyk meseleleri ara alnyp maslahatlaşylar.

Şanhaý Hyzmatdaşlyk Guramasy 2001-nji ýylyň iýun aýynda Hytaýyň Şanhaý şäherinde Gazagystan, Hytaý, Gyrgyzystan, Orsýet, Täjigistan we Özbegistan tarapyndan döredilen we 2017-nji ýylyň iýun aýynda Hindistan we Päkistan bilen birleşen halkara hökümetara guramadyr.

Eýran, Owganystan, Mongoliýa we Belarus Şanhaý Hyzmatdaşlyk Guramasynyň synçy agzalarydyrlar.