Эрон болаларининг дунё болаларига мактуби
Бутун дунёдаги тенгдошларига ёзган очиқ мактубида бир гуруҳ эронлик болалар уларни Халқаро болаларни ҳимоя қилиш куни билан табрикладилар ҳамда уруш ва нафрат ўрнига турли мамлакатлар болалари ва халқларига тинчлик ва дўстлик тиладилар.
Эрон талабалар ахборот агентлиги (ИСНА) жума куни берган маълумотига кўра Бутунжаҳон болаларни ҳимоя қилиш куни ва Миллий болалар ҳафталиги муносабати билан чиқарилган бу мактуб Эрон Болалар ва ўсмирлар интеллектуал ривожланиш маркази ҳамда Эрон болалар миллий ҳафталиги котибияти томонидан таржима қилинади ва дунё болалари қӯлига етиб бориши учун бошқа давлатларнинг Теҳрондаги элчихоналарига юборилади.
Шунингдек, бу йилги Миллий болалар ҳафталигида, 1400 йил 16-22 меҳр кунлари, мамлакат бӯйлаб Эроннинг фидойи фарзанди ўсмир шаҳид Али Ландини хотирлаш маросими ўтказилади.
15 ёшли шаҳид Али Ланди шаҳривар ойининг 18-куни қўшниларидан бирининг уйида ёнғин содир бўлганида оловда қолган иккита ўрта ёшли аёлни қутқарди, аммо ўзи 91% куйиб, шаҳид бўлди.
