Хитой Эрон билан икки томонлама мудофаа ва ҳарбий ҳамкорликни кенгайтиришга тайёр

Хитой мудофаа вазири Эрон қуролли кучлари бош штаби бошлиғи ўринбосари билан учрашувда Пекиннинг Эрон билан икки томонлама мудофаа ва ҳарбий ҳамкорликни кенгайтиришга тайёрлигини маьлум қилди.

ИРНА агентлигининг пайшанба куни кечқурун хабар беришича, Хитой мудофаа вазири Ли Шанфу Россия ҳарбий-хавфсизлик кўргазмаси доирасида Эрон Қуролли кучлари штаб бошлиғи ўринбосари  генерал Азиз Носирзода билан учрашиб, Пекин Эрон билан турли турли даражаларда мудофаа ва ҳарбий алоқаларни ривожлантиришга тайёрлигини маьлум қилди ва  Хитойнинг Эроннинг миллий суверенитетига ҳурмат қилишини таъкидлади.

Душанба куни, генерал Амир Носирзода Москвага сафарининг биринчи кунида Москва ғарбидаги “Патриот” боғида “Армия форуми-2023” номи билан машҳур бўлган Россия халқаро техник-ҳарбий форуми кўргазмасига ташриф буюрди ва иштирокчи расмийлар билан учрашувлар ўтказди.

Эрон Ислом Республикаси Қуролли Кучлари Бош штаб бошлиғи ўринбосари Россия Мудофаа вазири ўринбосари билан учрашувда ҳарбий ва мудофаа соҳаларида икки томонлама алоқаларнинг ривожланишига ҳам урғу берди.

Амир генерал Носирзода Москвадаги Халқаро хавфсизлик конференсияси доирасида Қозоғистон мудофаа вазири билан ҳам алоҳида учрашув ўтказди.

Эрон Қуролли кучлари Бош штаб бошлиғи ўринбосари Ўзбекистон, Венесуела мудофаа вазирлари ўринбосарлари ҳамда Россия ва Саудия Арабистони мудофаа вазирлари ўринбосарлари билан ҳам алоҳида учрашди. Ушбу учрашувларда томонлар халқаро ва минтақавий воқеалар юзасидан фикр алмашган ҳолда, икки томонлама ҳарбий ҳамкорликни ҳар томонлама ривожлантириш зарурлигини таькидладилар.

Эрон Ислом Республикасининг мудофаа ва ҳарбий саноати Россия армияси 2023 кўргазмасида фаол иштирок этар экан, Эрон ҳарбий ва мудофаа маҳсулотларининг турли қисмларини иштирокчиларга намойиш қилди.

Ушбу кўргазма 14 дан 20 августгача Москва ғарбидаги Патриот боғида ўтказилади.

Қуролли кучлар Бош штаб ўринбосари, шунингдек, сешанба куни Москвадаги 11-Халқаро хавфсизлик конференсиясидаги нутқида Эрон Ислом Республикасининг кўп қутбли дунёни шакллантириш талаблари ва Ислом инқилобининг халқаро тизимдаги ўтиш даврининг ҳозирги шароитидаги таьсири ҳақидаги қарашларини тушунтирди.