Роналду гол уриш бўйича афсонавий футболчидан ўтиб кетди

Португалия терма жамоаси ҳужумчиси Криштиану Роналду ЖЧ-2018 мусобақасининг 2-турида Марокаш дарвозасини ишғол этди.

Роналду бурчак тўпидан оширилган узатмани бош билан уриб, Португалияни олдинга олиб чиқди. Гап шундаки, ушбу гол Роналду учун терма жамоа сафидаги 85-гол сифатида қайд этилди.

Шундай қилиб, Роналду афсонавий футболчи Ференц Пушкашни терма жамоа сафида урилган голлар бўйича ортда қолдирди ва бу рўйхатнинг иккинчи ўрнига кўтарилиб олди. Эрон терма жамоаси аъзоси Али Дои Роналдудан кўпроқ гол урган.