Сенатор Мёрфи: Трамп хавфли даражада саробга берилган

АҚШнинг Коннектикут штатидан сайланган демократ сенатор шундай деди: «Мамлакатимиз фермер хўжаликлари хонавайрон бўлиб, бензин нархи юқори бўлиб турган, Эрон эса ҳар қачонгидан ҳам қудратлироқ бўлган бир пайтда, президентимиз хавфли даражада саробга берилган».

ПАРС ТУДЕЙ хабар беришича, АҚШнинг Коннектикут штатидан сайланган демократик сенатор Крис Мёрфи X ижтимоий тармоғидаги шахсий саҳифасида АҚШнинг Эронга қарши асоссиз тажовузи оқибатида кўрган зарарларига ишора қилиб, шундай деб ёзди: «18 нафар америкалик ҳалок бўлди, ҳарбий базаларимизга миллиардлаб доллар миқдорида зарар етказилди ва ракета захираларимиз фожиали даражада камайиб кетди».

Демократ сенатор, шунингдек, АҚШда фермер хўжаликларининг банкрот бўлиши энг юқори даражага етганига ишора қилиб, «Америка оилалари бензин учун тўловларни амалга оширишга қийналмоқда», дея таъкидлади.

Мёрфи сўзининг давомида буларнинг барчаси Эрон ҳар қачонгидан ҳам кучли бўлиб турган бир пайтда содир бўлаётганини қайд этиб, «Бизнинг президентимиз хавфли даражада хаёлпарастликка берилган», деди.

Америкалик демократик сенатор Крис Мёрфи аввал ҳам Трампнинг ташқи сиёсати ва Эронга қарши бошлаган уруши танқид қилиб, шундай деган эди: «Эронга қарши бу уруш бошиданоқ “ғалаба қозониб бўлмайдиган” уруш эди ва унинг фожиали эканини қанча таъкидласак ҳам, муболаға бўлмайди».

Мёрфи аввалроқ АҚШ президенти Дональд Трамп урушда мағлуб бўлганини ҳам тан олган ва ҳарбий можарони давом эттириш билан АҚШ заифлашиб, Эрон эса кучаяётганини таъкидлаган эди.

Сенат Ташқи алоқалар қўмитаси аъзоси бўлган Мёрфи: «Уруш тугаши керак. Чунки уруш давом этган ҳар бир кун АҚШ заифлашади, Эрон кучаяди ва бу ерда, АҚШда яшовчи одамлар нархларнинг ошиши туфайли қийинчиликка дуч келади», дея таъкидлаган эди.