Туризм соҳасида дунёдаги энг яхши 10 мамлакат қаторида Эрон

Эрон Маданий мерос, туризм ва ҳунармандчилик вазирининг ўринбосари маълум қилишича, Эрон 113 та жаҳон ёдгорлик объектларида 30 та мерос объектини рўйхатдан ўтказган ва жаҳон мероси рўйхатига киритилган объектлар сони бўйича дунёдаги энг яхши 10 мамлакат қаторига киради. Номоддий маданий мерос соҳасида эса Эрон дунёдаги дастлабки тўрт мамлакат қаторида туради.

ParsToday хабар беришича, Али Дорабий шундай деди: «Эрон етти минг йиллик тарихий ўтмишга эга мамлакат бўлиб, унда қарийб бир миллионта тарихий ёдгорлик ва ашё мавжуд. Ҳозирга қадар 43 мингта объект рўйхатдан ўтказилган».

Унинг қўшимча қилишича, Эрон тарихий ва маданий ёдгорликлардан ташқари, номоддий маданий мерос соҳасида ҳам кенг имкониятларга эга. Эроннинг ушбу меросни жаҳон миқёсида рўйхатдан ўтказишдаги мавқеи мамлакат маданиятининг чуқурлиги ва хилма-хиллигидан далолат беради.

Унинг таъкидлашича, Эрон 17 миллион нафар хорижлик сайёҳни жалб этишни мақсад қилган. Ушбу мақсадга эришиш учун туристик салоҳиятни кенг тарғиб қилиш ва зарур инфратузилмани яратиш муҳим.