Франциянинг бутун дунё мусулмонлари норозиликларига нисбатан икки ёқлама муносабати
-
Франция президенти Эммануэл Макрон
Францияда исломга қарши хатти-ҳаракатларнинг кучайиши, Расули акрам (с)-га ҳақоратли карикатураларни нашр этилиши ва Франция президенти Эммануэл Макроннинг сўз эркинлиги ва уни давом эттиришга урғу бериш баҳонаси билан қайсарлик билан ҳимоя қилиши бутун дунё мусулмонларининг ғазабини қузғатди ва исломий мамлакатларда Франция таварларига санкция жорий этиш бошланди.
Бу масала Франция ҳукуматига ташвиш туғдирди ва шошилинч билан аксиламал кўрсатиши сабабига айланди. Энди париж бу масалада икки томонлама позицияни олмоқда.
Бир томондан Франция расмийлари Франция ва ислом дунёси ўртасида зиддият юзага келишини хоҳламаса, бошқа томондан улар Макроннинг сўзларига қарши қатъий позиция олган Туркия каби исломий мамлакатларга таҳдид солишди.
Шу муносабат билан Франциянинг Швециядаги элчиси Этин Де Гонвил Эммануэл Макроннинг исломга қарши баёнотлари туфайли ўз мамлакати ва ислом дунёси ўртасидаги ҳар қандай можарони истисно қилди ва мусулмон меросига эга бўлган тахминан 4-8 миллион француз фуқароси борлигига ишора этиб, Франция мусулмон мамлакати ва ислом дини эса унинг иккинчи динидир,-деб изҳор этди.
Франция президенти Эммануэл Макрон ўзининг асоссиз изҳоротида исломни бутун дунёда "инқироз дини" деб атаб, Франция ҳукумати дунёвий сиёсатни янада қаттиқроқ олиб боришини таъкидлади.
Яқинда Эммануэл Макрон Франция ислом дини азиз пайғамбари (с)-га қарши ҳақоратли карикатураларни нашр этишда давом этишини таъкидлади. Ушбу сўзлардан сўнг "француз товарларига эмбарго" ҳаштаги араб мамлакатларидаги биринчи тенденсиясига айланди ва кўпчилик ушбу таварлардан фойдаланишни тақиқлади.
Макроннинг ислом ҳақидаги позицияси асосан бу мамлакат элчисининг айтган сўзларига зид экани аниқ.
Дарҳақиқат Франция ҳукуматининг ислом ва мусулмонларга нисбатан сиёсати Макрон айтган сўзлари билан мос келади.
Исломга қарши қасддан ташвиқот қилиб, айниқса сўз эркитнлиги баҳонасида Расули Акрам (с)-га қарши ҳақоратли ҳаракатларни тарғиб қилишга уриниш билан Париж айтайлаб ислом динига қарши кураш олиб бормоқда.
Ливан бош муфтийси Шайх Абдуллатиф Дарён Францияда Ҳазрат Пайғамбар (с) -га нисбатан ҳақоратни дунёдаги барча мусулмонларнинг душмани деб атади ва шундай деди: Ақида ва сўз эркинлиги бошқаларнинг эътиқодини ҳақорат қилишни англатмайди ва "мутлақ эркинлик" тушунчасини қайта кўриб чиқиш керак"
Шу билан бирга статистик маълумотларга кўра, Европанинг ушбу буюк мамлакатида исломга мойиллик зоҳир этиш кундан кунга ортиб бормоқда. Дарвоқе, Макроннинг исломга қарши тарғиботи ва позицияси французларнинг исломни ёмон кўришига сабаб бўлиш ўрнига, уларнинг бу самовий динни ва исломнинг азиз Пайҳамбари (с)-ни билиш ва ўрганишга бўлган қизиқишларини ва истакларини кучайтирди.
Аммо бошқа томондан, Франция ҳукумати ўзининг исломга қарши ҳаракатларни танқид қилувчиларига нисбатан таҳдидли позициясини тутди ва бу борада ёлғон иддаолар қилди.
Франция ички ишлар вазири генерал Жералд Дорманин "мамлакат ички ишларига аралашиш" деб Туркияни огоҳлантирди ва Францияда бўлаётган воқеаларга хорижий давлатларнинг аралашувини ҳайратли деб атади.
Франция аввалроқ Туркия президенти Ражаб Тайиб Эрдўғоннинг сўзларидан кейин Туркия пойтахтидаги элчисини чақириб олган эди. Бир неча кун олдин Эрдўғон берган ўз баёнотида Макроннинг исломга қарши ёндошувига ишора этиб, у руҳий саломатлик тетсидан ўтиши кераклигини айтди.
Савол шундаки, Франция бошқа мамлакатларниг ички ишларига очиқ аралашишига йўл қуядими? Бунинг яққол намунаси Макроннинг Ливанга ташрифи ва унинг ушбу мамлакат ички ишларига аралашувидир.
Ҳолбуки, исломга қарши кураш ва Расули акрам (с)-ни ҳақорат қилиш масаласи на ички муаммо ва на унинг оқибатлари Франция билан чекланиб қолади.
Шу сабабли Франция ҳозирда мусулмонлар ва исломий мамлакатлар томонидан қораланиш ва улар томонидан санкциялар жорий этиш тошқини билан дуч келмоқда.
