Раҳмат пайғамбарининг бугунги дунё учун таълимотлари (-4)

Ислом бирлиги ва бирдамлигининг пойдевор тошини раҳмат пайғамбари (с.а.в.) қўйганлар.

Мусулмонлар Мадинага ҳижрат қилганидан беш ой ўтмай, Пайғамбар (с.а.в.) ўз саҳобаларига: "Аллоҳ йўлида, бир-бирингиз билан ака-ука бўлинг", дея марҳамат қилдилар. Шундай қилиб, муҳожир ва ансор деб аталган Макка ва Мадина мусулмонлари бир-бирлари билан биродар тутинишди. Бу фармон билан раҳмат пайғамбари (с.а.в.) томонидан исломий бирлик ва бирдамликнинг пойдевори қўйилди ва Ислом, биродарлик ва бирлик қадриятлари маъносиз жоҳилият қадриятларининг ўрнини эгаллади.

Ҳа, Пайғамбаримиз (с.а.в.) Қуръон оятларига таянган ҳолда, исломий жамиятларни Аллоҳ таолонинг рисмонига боғланишга ва Аллоҳга ибодат қилиш соясида бўлинишга йўл қўймасликка ва ягона миллатнинг шаклланишига  чақирдилар. Мусулмонлар ҳам бу таклиф асосида бирлашдилар. Бирлик, биродарлик ва қардошлик туйғуси билан аралашиб кетганидан сўнг, мусулмонлар жамоаси душманлари устидан ғалаба қозониб, ғалабалар ва зафарлар олиб келгани сари кўпроқ кучга эга бўлдилар. Пайғамбаримиз (с.а.в.) ушбу теран ҳаракатлари билан мусулмонларнинг бирлиги шарафли ва куч берувчи эканлигини кўрсатдилар. Кичик тортишувлар ва тафовутларни тарк этиб,  юксак манфаат ва мақсадларга эришиш, яхшилик, меҳрибонлик ва яқинлик билан ўзаро чуқур бирлик яратишни қабул қилиш, мусулмон умматига катта сабоқ бўлди.

Рабиул-авал ойи - нур ва раҳмат пайғамбар бўлмиш Пайғамбаримиз Муҳаммад (с.а.в.) нинг туғилган ойлари ва бирлик ҳафталиги шу қувонч ва бахт ойга тўғри келади. Ислом инқилобининг асосчиси Имом Хумайний , сунний ва шиа ривоятлари орасидаги кунларни   Бирлик ҳафталиги номи билан номладилар ва у зот бу ҳафтани Ислом умматида ҳамдардлик, биродарлик ва ҳамдамлик учун имконият яратдилар.

Раҳмат пайғамбари Муҳаммад Мустафо (с.а.в.) муҳожирлар ва ансорни биродарлик ва қардошлик аҳдига чақиришдан ва шу тариқа хушмуомалалик ва биродарлик хушбўй ҳиди билан мусулмонларнинг руҳи ва жонини  тарбиялашдан ташқари, ўз ибратли  хулқ-атвори ва юксак ахлоқи билан мусулмонларни сабр-тоқатли бўлишга ва улар орасидаги бирлик асослари ҳар доим мустаҳкам  бўлиши ва уларнинг кичик масалалар учун буюк бирлик идеалидан четга чиқмаслиги учун сабр-тоқатли бўлишга ва жоҳил мунозаралардан қочишга чақирди.Расулуллоҳ (с.а.в.) мусулмон умматига буюк бирлик, куч ва қудрат олиб келишини ва мустаҳкам устун каби мусулмонларни душманларнинг кучли бўронларидан ҳимоя қилишини билар эдилар. 

Бугун Ислом олами, ҳар қачонгидан ҳам, Расулуллоҳ соллаллоҳу алайҳи васалламнинг бирлик соҳасидаги соф хулқ-атворини ҳақиқий ўқиш ва талқин қилишга муҳтож. Яман кўп йиллар ўтиб ҳамон ёнаётган уй мисолидир ва Саудия Арабистонининг адоватидан қутулолмаган. Афғонистонда мусулмонларни портлатиш ва ўлдириш одатий ҳолга айланди ва мазлум афғон мусулмонларининг кўз ёшлари уларда раҳм-шафқат туйғусини уйғотмаганга ўхшайди. ИШИДнинг Ироқ ва Сурияга етказган чуқур яралари ҳали ҳам кўриниб турибди. Куйган уйлар, қочқинларга айланган аёллар ва қизлар, етим болалар ва минглаб азоб-уқубатлар, буларнинг ҳаммаси диний ва мафкуравий тафовутлар маҳсулидир. Ислом олами Расулуллоҳ (с.а.в.) таълимотларига ва аниқ Қуръон оятларига қайтиш ва бўлиниш ва зўравонликни тўхтатиш вақти келмадими? Қандай қилиб,  ҳар бир ирқ ва қабила мусулмонларини биродарлар деб атайдиган Ҳужурот сурасининг 10-ояти каби Қуръони Каримнинг аниқ оятларига қарамай, мусулмонлар қандай қилиб бир-бирини эътиборсиз қолдириши ва ундан осон ўтиши мумкин? Мўминин сурасининг 52-оятида келтирилган ушбу:و إِنَّ هٰذِهِ أُمَّتُکُم أُمَّةً واحِدَةً وَأَنا رَبُّکُم فَاعبُدونِ:(Албатта, сизнинг бу умматингиз ягона умматдир. Мен эса, Роббингизман. Бас, Менгагина тақво қилинг. )Сўзларга эътиборсиз бўлиш ва уни кўрмаганга олиш мумкинми?

Қуръони Карим мусулмонларни ҳамдардлик ва бирликка чақиради ва уларга Аллоҳ таоло динини қабул қилганликлари учун,   муҳаббат, меҳрибонлик ва биродарлик  парвардигорлари қабул томонидан берилган неъматлар эканлигини эслатади. Мусулмонлар бу муҳаббат ва биродарликдан миннатдор бўлишлари ва барчалари кучли илоҳий рисмонга ёпишиб, тарқоқ бўлмасликлари керак.

Бу самовий дин вужудга кела бошлаганидан бошлаб, Ислом душманлари исломий жамиятга низо солишга ҳаракат қилишган. Уларда расво шиор бор: "Бўлиб ташла, ва ҳукмронлик қил". Душманлар ислом аввалидан ҳозиргача алдамчилик, ҳийла-найранг, фирибгарлик, фисқу-фасод ва ёлғон ваъдалар орқали нифоқ оловини ёқиб, Ислом Умматида хурофий ва зўравон мазҳаблар яратишди ва мусулмонлар ораларида уруш келтириб чиқариш билан ўзларининг ғаразли мақсадларини амалга оширишди.  Англия ҳар доим мусулмон жамоасида низоларларнинг бошида бўлган.Қолаверса, исломга қарши бўлган барча ғоялардан ташкил топган глобал сионистик ҳаракат ҳозирда ўз бошқарув марказларида Ислом ва Ислом Умматини йўқ қилишга уринмоқда. Улар нифоқ ва низоларни Исломга зарба беришнинг асосий стратегияларидан бири деб билишади. Шунинг учун мусулмонлар уларга нисбатан ҳушёрроқ ва басиратлироқ бўлишлари керак. 

Олимлар ва мутафаккирлар мусулмонлар ўртасида бирлик яратиш ва ҳақиқий душманларни аниқлашда муҳим рол ўйнайди. Уларнинг бирлашувдаги ўрни жиддий ва ҳал қилувчи рол. Чунки улар мусулмон жамоасини порлоқ келажак, ўсиш, ривожланиш ва инсоний камолотга олиб боришлари мумкин. Диний олимлар, ўз сўзлари ва ҳаракатлари билан, Расулуллоҳ (с.а.в.) каби, энг яхши ислоҳотчилар ва бирлик ваъзгўйлари бўлишлари мумкин. Улар мусулмонларни душманликга қарши даъват қилиб, одамларга тушунча ва кўникмалар бериш орқали муҳим рол ўйнайдилар. Ислом дунёсида ҳамиша бирликни энг муҳим масала, деб билган Эрон Ислом инқилобининг муаззам раҳбари Оятуллоҳ Хоманаий бир-бирининг эътиқодларини ҳурмат қилишга чақирадилар ва бошқа мазҳабларнинг эътиқодларини ҳақорат қилишни қатъиян ман этадилар. У киши бирликни ислом оламининг асосий устуни эканлигини таъкидлаб, шундай дейди: "Ислом олами бугунги кунда Исломий Уммат душманининг ҳақиқий жабҳасини билиши керак; Душманларимизни ҳам, дўстларимизни ҳам билиб олишимиз зарур. Биз баъзи мусулмонлар гуруҳлари дўстларимизга уриш учун, биродарларимизни ўлдириш учун душманларимиз билан иттифоқ қилганига гувоҳ бўламиз! Бу мусулмон умматини йўлдан оздиради ва заифлаштиради. Бу басират етишмаслигидан келиб чиқади. Бугун Ислом оламига бу басират жуда керак, стратегия ва тафаккур  керак. Ислом оламининг яна бир муҳим эҳтиёжи бирликдир".

Афсуски, шиа мазҳабида ҳам, сунний мазҳабида ҳам баъзи олимлар ва мутафаккирлар борки, улар ўз сўзлари билан фитна ва ихтилоф оловини кучайтирадилар ва била туриб ёки билмай Расулуллоҳ соллаллоҳу алайҳи васалламнинг иродасига ва Қуръонни бирлаштирувчи оятларга қарши ҳаракат қилмоқдалар. Улар Ислом Умматига қарши энг катта хиёнатни амалга оширдилар. Ислом умматида бўлиниш ва адоват исини олган ҳар қандай сўз Пайғамбар (с.а.в.) суннатига ҳеч қандай алоқаси йўқ ва Қуръони Каримдаги Аллоҳнинг сўзига зиддир. Раҳмат пайғамбари  мусулмон биродарларни ака-ука деб чақириб, ҳар бир замонда Қуръон ўқиш, умумий қибла, ягона Каъба ва Аллоҳ таолонинг пайғамбари атрофида буюк бирликка эришишни ва улуғворликни кўрсатишни ўргатди. Гарчи бугун Пайғамбар (с.а.в.) нинг буюк ва меҳрибон шахси мусулмонлар орасида бўлмаса-да,аммо уммат орасида Пайғамбар алайҳиссаломнинг суннатлари ва одоб-ахлоқи ва унинг олижаноб ваъдалари бор. Агар кимдир ўз ҳаётини ҳазратнинг мезонларига кўра тартибга солса, у бўлиниш ва низоларни эмас, балки бирликнинг хабарчиси бўлади! 

Охирги сўз сифатида шуни таъкидлаш лозимки, Бирлик ҳафталиги мусулмонларнинг Қуръони Карим ва Расулуллоҳ соллаллоҳу алайҳи васалламнинг ҳаётлари атрофида бирдамлик ва ҳамжиҳатликни мустаҳкамлаш учун қимматли имкониятдир. Исломнинг буюк пайғамбари шахсиятидаги фазилатли табиат, яхши дўстлик, фикрлаш ва тафаккур, адолатли ҳукмлар ва ҳикматли сўзлар мусулмон умматлари орасида қайта тикланса, бу уммат ҳеч қачон бўлинмайди ва душманлар ўз ғаразли мақсадларига эриша олмайдилар.