Ҳиротдаги Эрон консуллигига ҳужум ва ҳушёрлик зарурлиги

Яқинда Разавий ҳарамида содир этилган терактдан кўп ўтмай Ҳиротдаги Эрон Ислом Жумҳурияти консуллигига қилинган ҳужум икки давлат – Эрон ва Афғонистон ўртасида бўлиниш яратиш бўйича ҳисобланган режа амалга оширилаётганини кўрсатади. Ҳиротдаги Эрон консуллиги биносига уюштирилган ҳужумда бир неча киши тош отишни бошлади.

Разавий ҳарам зиёратгоҳи ва Ҳиротдаги Эрон консуллиги биносидаги ушбу террор хуружлари билан Эрон ва Афғонистоннинг  ғаразли ва хийлакор душманларининг сўнгги пайтларда қилган саъй-ҳаракатлари чекланиб қолмай, балки улар ҳам Эронда, ҳам Афғонистонда жамоатчилик фикрига салбий таъсир кўрсатиш мақсадида виртуал тармоқларда сохта суратлар ва клиплар чоп этиш орқали Эрон халқининг муҳожирларга нисбатан муносабатини хунук ва зўравонликка айлантиришга ҳаракат қилдилар. Бироқ Эронда хавфсизлик бўйича ўтказилган текширувлар нохолис гуруҳнинг Афғонистонда мамлакат ташқарисидан пул олиб, ижтимоий тармоқларда сохта контент тарқатаётганини аниқлади.

Афғонистон бўйича эксперт Моҳсен Ройи Сефат шундай дейди:

Афғонистонда Толибон ҳаракати қайта кучайгач, гуруҳ ва Теҳрон ўртасидаги муносабатларга таъсир ўтказиш учун кенг кўламли саъй-ҳаракатлар амалга оширилди ва сўнгги кунларда кучайди. Икки халқ душманлари бир ҳовуч ёлланма аскарларни гижгижлаш орқали Афғонистон ва Эрон ўртасидаги муносабатларни бузишимиз мумкин, деб ўйлашади.

Қирқ йилдан ортиқ вақт давомида Эрон Ислом Жумҳурияти Эрон фуқаролари каби шаҳарларда яшовчи уч миллиондан ортиқ афғон қочқинларини ўз бағрига олган ва охирги пайтларда бу рақам ортиб бормоқда. Бу даврда Эрон Ислом Жумҳуриятининг мазлум Афғонистон халқига инсонпарварлик ёрдами давом эттирилди. Афғонистоннинг бошқа қўшни давлатларида эса афғон қочқинлари лагерларда ва ёмон яшаш шароитларида жойлаштирилган. Эрондаги афғон қочқинлари таълим ва иш билан таъминлашнинг барча даражаларида мавжуд бўлиб, муносиб яшаш ҳуқуқига эга. Шундай қилиб, Эрондаги афғон муҳожирларига тўсатдан ҳужум уюштирилгани ва Афғонистонда бу Эронга қарашли муассасаларга ҳужум қилинаётгани икки давлат – Эрон ва Афғонистон душманларининг ғаразли ва нифоқ солишга қаратилган мақсадларини яққол кўрсатиб турибди. Бу давлат Эрон сивилизациясининг бир қисми ва бу хусусият диний ва маданий муштаракликлари билан бирга Эрондаги афғон муҳожирларини тинч-тотув яшашига сабаб бўлди, бу эса айрим шахслар ва гуруҳларни безовта қилмоқда. Шу сабабдан ҳам икки давлат, Эрон ва Афғонистон ўртасида нифоқ солиш учун бор кучини сарфладилар.

Афғонистон бўйича эксперт Пир Муҳаммад Малазой шундай дейди:

Эрон Ислом Жумҳуриятининг Афғонистондаги муассасаларига қилинган ҳужумлар ва Эрондаги афғон қочқинларига нисбатан қўпол муносабатда бўлаётгандек кўрсатилиши Толибонни ҳам нишонга олди ва ғаразли мақсадларни кўзлаган кучлар Толибоннинг Теҳрон билан муносабатларини кескинлаштиришга ҳаракат қилмоқда. Шунинг учун бу каби ҳаракат ва хатти-ҳаракатлар Афғонистон халқи ва Толибон томонидан янада ҳушёрроқ кузатилиши ва зарарсизлантирилиши керак.

нима бўлганда ҳам; Охирги ўн тўрт йил ичида Эронда афғон қочқинларига нисбатан ноумидлик ва иккиюзламачилик уйғотишга кўп уринишлар бўлди, бироқ икки томоннинг ҳушёр ёндашуви туфайли бу бўлиниш ҳаракатлари самара бермади. Шубҳасиз, зўравонлик айбдорларини ва уларнинг мақсадларини синчиклаб ўрганиш ва аниқлашда давом этиш бу шахслар ва гуруҳларни янада яккалаб қўяди ва улар даҳшатли мақсадларига эриша олмайди.

Ўзбекистон ва Британиянинг Афғонистон бўйича Махсус вакиллари мулоқот қилдилар