Саудия Арабистони Ўзбекистон билан барча соҳаларда ҳамкорликка тайёрлигини билдирди
-
Саудия Арабистони Ўзбекистон билан
Ҳозирги кунда Ўзбекистон Республикаси ва Саудия Арабистони Подшоҳлиги Адлия вазирликлари ўртасида ҳамкорлик ўрнатилган
ТОШКЕНТ, 2 авг — Sputnik. Саудия Арабистони Подшоҳлигининг Ўзбекистондаги элчиси Хишам аль-Сувайлим Адлия вазири Музраф Икрамов билан учрашувда Ўзбекистон Саудия Арабистонининг энг яқин ҳамкори эканлигини таъкидлади.
Шавкат Мирзиёев томонидан икки давлат ўртасидаги муносабатларни янада мустаҳкамлаш бўйича олиб бораётган ислоҳотлар Саудия Арабистони томонидан қўллаб-қувватланишини билдириб ўтди, деб хабар қилинди Ўзбекистон Ҳукумати порталида.
Хабарга кўра, 28 июл куни бўлиб ўтган учрашувда Ўзбекистон Адлия вазири Икрамов Ўзбекистон томонидан Саудия Арабистони Подшоҳлиги билан ҳар томонлама ва узоқ муддатли ҳамкорлик ўрнатишга катта эътибор қаратилганлигини таъкидлаган.
Саудия Арабистони элчиси Хишам аль-Сувайлим Ўзбекистон Подшоҳликнинг энг яқин ҳамкори эканлигини таъкидлаб, Ўзбекистон Республикаси Президенти Ш.Мирзиёев томонидан икки давлат ўртасидаги муносабатларни янада мустаҳкамлаш бўйича олиб бораётган ислоҳотлари Саудия Арабистони томонидан қўллаб-қувватланишини билдириб ўтди.
Учрашув давомида томонлар Саудия Арабистони Подшоҳи Салман бин Абдулазиз аль-Сауд жанобларининг таклифига биноан Ўзбекистон Республикаси Президенти Шавкат Миромонович Мирзиёев АҚШ ва араб-мусулмон мамлакатларининг Саммитида иштирок этиш учун 2017 йилнинг 21 май куни Саудия Арабистони Подшоҳлигига расмий ташрифи икки давлат ўртасидаги ҳамкорликни янги босқичга олиб чиқишини билдириб ўтишди.
